گوگل نیوز پر ہمیں فالو کریںکراچی: قومی کرکٹ ٹیم کے فاسٹ بولر شاہنواز دھانی سابق بھارتی کپتان راہول ڈریوڈ کی عاجزی کے گُن گانے لگے۔دھانی نے ماضی میں ہونے والی ملاقات سے زندگی کا ایک سبق سیکھنے کا ذکر کیا ہے۔
شاہنواز دھانی نے سماجی رابطے کی ویب سائٹ ٹوئٹر پر راہول ڈریوڈ سے ہونے والی ملاقات کی تصویر شیئر کرتے ہوئے بتایا کہ یہ ملاقات آسٹریلیا کے ایک ریسٹورنٹ میں ہوئی۔
Happy Birthday to the most humble Person, Sir #RahulDravid.
Here is Story behind this picture. I was in resturaunt having dinner with some friends in brisbane Australia during worldcup, Sir Rahul dravid entered in same restaurant where he saw me, before going to find a seat for pic.twitter.com/EAnjzlLnsn— Shahnawaz Dahani (@ShahnawazDahani) January 11, 2023
اُنہوں نے کہا کہ ورلڈ کپ کے دوران میں آسٹریلیا کے شہر برسبین کے ایک ریسٹورنٹ میں دوستوں کے ساتھ کھانا کھا رہا تھا کہ اسی دوران راہول ڈریوڈ وہاں آگئے۔
انہوں نے مزید اس حوالے سے لکھا کہ راہول ڈریوڈ اپنی جگہ پر بیٹھنے سے پہلے خود مجھ سے اور میرے دوستوں سے ملنے آئے۔پاکستانی فاسٹ بولر نے لکھا کہ سابق بھارتی کرکٹر نے ہم سب سے بہت ہی محبت اور عزت سے ملاقات کی اور ہم نے ان کے ساتھ تصاویر بھی کھنچوائیں۔
شاہنواز دھانی نے مزید لکھا کہ آپ صرف تصور کریں کہ حریف ٹیم کا کوچ اور بڑا کھلاڑی آپ کو اور آپ کے دوستوں کو ہیلو کہنے کے لیے آئے، اس دن میں نے یہ سیکھا کہ عاجزی کامیابی کی چابی ہے۔
شاہنواز دھانی نے اپنی پوسٹ میں راہول ڈریوڈ کو سالگرہ کی مبارکباد بھی دی اور انہیں سر کہہ کر مخاطب کیا۔واضح رہے کہ راہول ڈریوڈ ماضی میں بھارتی ٹیم کے مڈل آرڈر میں بہت ہی اہم کردار ادا کیا کرتے تھے۔
مزید پڑھیں:پاکستان بمقابلہ نیوزی لینڈ، دوران میچ میدان میں گھسنے والے تماشائیوں کیخلاف مقدمہ درج
یاد ہے کہ گزشتہ سال آسٹریلیا میں ہونے والے ٹی ٹوئنٹی ورلڈ کپ میں پاکستان اور بھارت کے درمیان میچ کھیلا گیا تھا جو بھارت نے جیتا تھا۔
