گوگل نیوز پر ہمیں فالو کریںپاکستانی کرکٹ ٹیم کے سابق کپتان اور اسٹار آل راؤنڈر شاہد آفریدی کی بہن انتقال کر گئی ہیں جن کی نمازِ جنازہ آج ہوگی۔
سماجی رابطے کی ویب سائٹ ایکس (ٹوئٹر) پر بہن کے انتقال کا اعلان کرتے ہوئے شاہد آفریدی نے کہا کہ افسوس کے ساتھ بتانا پڑ رہا ہے کہ میری پیاری بہن انتقال کر گئیں جن کی نمازِ جنازہ ڈی ایچ اے میں ادا ہوگی۔
سابق کپتان قومی کرکٹ ٹیم نے کہا کہ میری بہن کی نمازِ جنازہ آج ظہر کی نماز کے بعد ڈی ایچ اے میں واقع زکریا مسجد میں ہوگی۔ انا للہ و انا الیہ راجعون۔
(إِنَّا ِلِلَّٰهِ وَإِنَّا إِلَيْهِ رَاجِعُونَ,)
Surely we belong to Allah and to him we shall return.
With Heavy hearts we inform you that our beloved Sister passed away and her Namaz e Janazah will be at 17.10.2023 after Zuhur prayer at Zakariya masjid main 26th street… https://t.co/Ly4sK6XVGT— Shahid Afridi (@SAfridiOfficial) October 17, 2023
گزشتہ روز اپنے ٹوئٹر پیغام میں شاہد آفریدی کا کہنا تھا کہ میری بہن اس وقت زندگی کی جنگ لڑ رہی ہیں، انہوں نے شائقینِ کرکٹ سے اپیل کی کہ ان کی بہن کیلئے شفا اور زندگی کی دعا کریں۔
خیال رہے کہ یکم مارچ 1980ء کو جنم لینے والے شاہد آفریدی نے 1996 میں قومی سطح پر کرکٹ کا آغاز کرنے کے بعد 17سال سے زائد عرصے تک دنیا کی تیز ترین سنچری کرنے کا اعزاز حاصل کیا۔
ون ڈے انٹرنیشنل میں پاکستان کیلئے سب سے زیادہ چھکے لگانے کا اعزاز بھی شاہد آفریدی کے پاس ہے۔ 2009 کے ٹی 20ورلڈ کپ میں شاہد آفریدی کو پلیئر آف دی ٹورنامنٹ کے اعزاز سے نوازا گیا۔ انہوں نے اس کے علاوہ بھی متعدد اعزازات حاصل کیے۔
