گوگل نیوز پر ہمیں فالو کریںکولمبو: میزبان ٹیم سری لنکا کے خلاف گال ٹیسٹ کے دوران قومی ٹیم کے فاسٹ بولر شاہین آفریدی نے ایک اور اعزاز اپنے نام کرتے ہوئے ٹیسٹ وکٹس کی سنچری مکمل کر لی ہے۔
تفصیلات کے مطابق قومی ٹیم کے فاسٹ بولر شاہین آفریدی نے گال میں جاری 2 میچز کی سیریز کے پہلے ٹیسٹ میچ کے دوسرے اوور میں سری لنکن اوپنر نشان مدھشکا کو پویلین بھیج کر ٹیسٹ میچز کی 100 وکٹس لینے کا اعزاز حاصل کیا۔
سری لنکا کا ٹاس جیت کر پاکستان کے خلاف بیٹنگ کا آغاز
Test wicket No.1️⃣0️⃣0️⃣ for @iShaheenAfridi! ????
He removes Nishan Madushka in his second over of the day ☝️#SLvPAK pic.twitter.com/31kZNVAI7M
— Pakistan Cricket (@TheRealPCB) July 16, 2023
ماضی میں قومی کرکٹ ٹیم کے سابق کپتان وسیم اکرم نے 414 جبکہ وقار یونس نے 373ٹیسٹ وکٹس اپنے نام کیں جبکہ شاہین آفریدی نے 3 دسمبر 2018 ء کو اپنے پہلے ٹیسٹ میچ کے بعد سے تمام پاکستانی بولرز سے زیادہ وکٹس حاصل کی ہیں۔
اب تک قومی ٹیم کے فاسٹ بولر شاہین آفریدی نے 26 ٹیسٹ میچز میں پاکستان کی نمائندگی کا اعزاز حاصل کرتے ہوئے 43 اننگز کھیلیں اور 100 کھلاڑیوں کو پویلین کی راہ دکھائی ہے۔
خیال رہے کہ اس سے قبل گال ٹیسٹ سیریز کے پہلے میچ میں میزبان کرکٹ ٹیم سری لنکا نے ٹاس جیت کر پاکستان کے خلاف بیٹنگ کا آغاز کردیا۔
آج دو 5روزہ میچز کی سیریز کے پہلے گال ٹیسٹ کا آغاز ہوا تو کپتان بابر اعظم اور سری لنکن کپتان دیمٹھ کرونارتنے کے مابین ٹاس ہوا جو کرونا رتنے نے جیت لیا۔
