گوگل نیوز پر ہمیں فالو کریںاسلام آباد: پاکستان تحریک انصاف کے رہنما اور سابق وفاقی وزیر اطلاعات فواد چوہدری نے کہا کہ موجودہ وزیراعظم شہباز شریف کو استعفیٰ دے کر الیکشن کا اعلان کرنا چاہیے۔
تفصیلات کے مطابق پاکستان تحریک انصاف کے رہنما فواد چوہدری نے میڈیا سے گفتگو کرتے ہوئے کہا کہ اللہ تعالی نے الیکشن میں بہت کرم کیا ہے اور اب ہمارے لائحہ عمل سے زیادہ ن لیگ اور پیپلز پارٹی کا لائحہ عمل اہم ہے۔
انہوں نے کہا کہ ایسے احمکانہ باتیں نہ کی جائے کہ جب تک سیاست ٹھیک نہیں ہوگی تب تک معیشت کیسے ٹھیک ہوگی کیونکہ پاکستان کا مسئلہ سیاسی ہے جسے سیاسی طریقے سے حل ہونا ہے۔
پی ٹی آئی رہنما فواد چوہدری نے مزید کہا کہ مسلم لیگ ن کو مشورہ ہے کہ جلد سے جلد نئے الیکشن کا اعلان کرے، بیٹھ کر فریم ورک طے کریں اور الیکشن کمیشن پر بات چیت کی جائے۔
ضمنی انتخابات میں تحریک انصاف کی جیت، شوبز ستاروں کا کیا ردعمل آیا؟
قبل ازیں پی ٹی آئی رہنما اسد عمر نے اپنے پیغام میں کہا کہ امپورٹڈ حکومت کی نااہلی سے روپیہ بتدریج اپنی قدر کھو رہا ہے اور یہ سیاسی غیر یقینی صورتحال معیشت کو تباہ کر رہی ہے۔
Rupee in a free fall. Has crossed 215. This political uncertainty is bleeding the economy and inflicting tremendous pain on the people. Time to stop this badly conceived, badly executed, totally gone wrong experiment. Pakistan cannot be made to suffer anymore for poor decisions
— Asad Umar (@Asad_Umar) July 18, 2022
