گوگل نیوز پر ہمیں فالو کریںقائدِ حزبِ اختلاف قومی اسمبلی و صدرِ مسلم لیگ (ن) شہباز شریف نے سالگرہ کے پر مسرت موقعے پر سابق وزیر اعظم میاں نواز شریف کو مبارکباد پیش کی ہے۔
سماجی رابطے کی ویب سائٹ ٹوئٹر پر اپوزیشن لیڈر قومی اسمبلی شہباز شریف نے اپنے حقیقی بھائی نواز شریف کو پیغام دیتے ہوئے کہا کہ آج سابق وزیر اعظم کو ان کے یومِ ولادت پر مبارکباد دیتا ہوں۔
اپوزیشن لیڈر شہباز شریف نے کہا کہ میرے رہنما میاں نواز شریف عوامی خدمت کا درخشاں ریکارڈ رکھتے ہیں، انہوں نے قوم کی تعمیر کی اور جمہوریت کے لیے پرخلوص خدمات انجام دیں۔
شہباز شریف نے کہا کہ میرے بھائی نواز شریف کی جدوجہد قوم کی نسلوں کو متاثر کرتی رہیں گی۔ خدا سے دعا کرتا ہوں کہ اللہ انہیں صحت، مسرت اور طویل زندگی عطا فرمائے۔
سابق وزیر اعلیٰ پنجاب شہباز شریف نے سابق وزیر اعظم پاکستان نواز شریف کی دعاؤں اور پیغامات پر ان کا شکریہ بھی ادا کیا اور انہیں مبارکبادبھی پیش کی۔
Happy birthday to my brother & leader Mian Nawaz Sharif whose proven record of public service, nation-building & a struggle for democracy will continue to inspire a generation. May Allah give him health, happiness & a long life! Thank you for your prayers and messages too!
— Shehbaz Sharif (@CMShehbaz) December 25, 2019
یاد رہے کہ اس سے قبل لاہور رنگ روڈ منصوبے میں سابق وزیر اعلیٰ پنجاب و موجودہ قائدِ حزبِ اختلاف قومی اسمبلی شہباز شریف پر 59 ارب روپے کی بے ضابطگیوں کا الزام عائد کیا گیا۔
آڈیٹر جنرل آف پاکستان کی خصوصی آڈٹ رپورٹ کے مطابق زمین کی خریداری سے لے کر سول ورک اور ٹھیکے کی لین دین سے لے کر مالیاتی مینجمنٹ تک کم از کم 59 ارب 39 کروڑ کی بدعنوانی کا انکشاف سامنے آیا۔
مزید پڑھیں: سابق وزیر اعلیٰ پر 59 ارب کی بے ضابطگیوں کا الزام
