گوگل نیوز پر ہمیں فالو کریںراولپنڈی: آرمی چیف جنرل قمر جاوید باجوہ کا کہنا ہے کہ کشمیریوں کے امنگوں کے مطابق تنازعہ کشمیرحل کیے بغیر خطے میں دیرپا امن ممکن نہیں، انہوں نے کہا کہ مقبوضہ کشمیرمیں انسانی حقوق کی سنگین خلاف ورزیاں ہورہی ہیں۔
ڈی جی آئی ایس پی آرنے اپنے ٹوئٹ میں بتایا کہ سپہ سالار جنرل قمر جاوید باجوہ نے یوم استحصال کشمیر کے موقع پر اپنے بیان میں کہا ہے کہ مقبوضہ کشمیرمیں بدترین ریاستی جبر کیا جا رہا ہے اورغیر انسانی فوجی محاصرہ بدستورجاری ہے۔
“Continuation of inhuman military siege, machinations to bring demographic changes and gross violations of human rights and international laws are perpetuating humanitarian and security crises in IIOJ&K that imperil regional security. (1/2)
— DG ISPR (@OfficialDGISPR) August 5, 2021
سپہ سالار نے کہا کہ مقبوضہ کشمیرمیں انسانی حقوق اور بین الاقوامی قوانین کی سنگین خلاف ورزیاں ہورہی ہیں، مقبوضہ کشمیر کی جغرافیائی اورآبادی کا تناسب تبدیل کرنے کی کوشش جاری ہیں۔
آرمی چیف نے کہا کہ تنازع کشمیر کا حل اقوام متحدہ کی قراردادوں کے مطابق ہونا چاہیے، جس میں کشمیریوں کی رائے کو مقدم رکھا جانا چاہئے۔آرمی چیف کا کہنا تھا کہ کشمیریوں کے امنگوں کے مطابق تنازعہ کشمیرحل کیے بغیر خطے میں دیرپا امن ممکن نہیں۔
مزید پڑھیں: افغانستان میں امن خطے کی ترقی کا ضامن ہے، آرمی چیف جنرل قمر جاوید باجوہ
