گوگل نیوز پر ہمیں فالو کریںاسلام آباد:نائب صدر پیپلز پارٹی سینیٹر شیری رحمان نے کورونا فنڈ میں بے ضابطگیوں کی تحقیقات کا مطالبہ کرتے ہوئے کہا ہے کہ کورونا فنڈ میں 40 ارب روپے سے زائد ضابطگیوں پر احتسابی ادارے خاموش کیوں ہیں؟۔
شیری رحمن نے کہاکہ کورونا فنڈ میں کرپشن کا یہ ابھی ٹریلر ہے، پوری فلم ابھی باقی ہے، کورونا فنڈ عوام کی امانت ہے، تباہی سرکار نے کورونا فنڈ کو بھی نہیں بخشا، ہم کورونا فنڈ میں کرپشن کی مکمل تحقیقات کا مطالبہ کرتے ہیں۔
انہوں نے کہاکہ دوسروں کا احتساب کرنے والے شفافیت سے بھاگ رہے ہیں، ابھی حکومت نے آڈٹ کے لئے مکمل اخراجات کی تفصیل نہیں فراہم کی۔
شیری رحمان نے اپنے بیان میں کہاکہ 40 ارب سے زائد ضابطگیوں کا کسی اپوزیشن نے الزام نہیں لگایا، بے ضابطگیوں کی تصدیق آڈیٹر جنرل کی آڈٹ رپورٹ میں ہوئی ہے۔
مزید پڑھیں: قوم کے مفادات کے تحفظ میں حکومت نے مجرمانہ کردار ادا کیا، شہباز شریف
