پارٹی کے فیصلوں سے اختلاف، مصطفی نواز کھوکھر نے استعفیٰ دیدیا

اسلام آباد: پارٹی کے فیصلوں سے اختلاف کے باعث بلاول بھٹو کے ترجمان اور پارٹی رہنما ء مصطفی نواز کھوکھر نے اپنے عہدے سے استعفیٰ دیدیا۔

مصطفی نواز کھوکھر نے بلاول بھٹو کی ترجمانی سے معذرت کرلی، پیپلز پارٹی کے رہنما اور بلاول بھٹو کے ترجمان مصطفی نواز کھوکھر نے کچھ فیصلوں سے اختلاف کرتے ہوئے اپنے عہدے سے استعفیٰ دیدیا ہے۔

پی پی پی کے مطابق مصطفی نواز کھوکھر تھوڑا جذباتی ہو گئے ہیں، انھیں منانے کی بھرپور کوششیں کی جا رہی ہیں، جلد مان جائیں گے۔

پیپلز پارٹی میڈیا سیل کی جانب سے واضح کیا گیا ہے کہ مصطفی نواز کھوکھر نے جماعت نہیں چھوڑی صرف بلاول بھٹو زرداری کے ترجمان کی حیثیت سے کام کرنے سے انکار کر دیا ہے۔

بیان میں کہا گیا ہے کہ مصطفی نواز کھوکھر کو پارٹی کے کچھ فیصلوں پر اختلاف ہے۔ ذرائع کے مطابق پیپلز پارٹی کی اعلیٰ قیادت انھیں منانے کے لیے متحرک ہو چکی ہے۔