گوگل نیوز پر ہمیں فالو کریںاسلام آباد: سپریم کورٹ آف پاکستان نے چیئرمین پی ٹی آئی و سابق وزیر اعظم عمران خان کی گرفتاری کے خلاف اپیل آج ہی سماعت کیلئے مقرر کردی ہے۔
تفصیلات کے مطابق چیف جسٹس عمر عطا بندیال عمران خان کی گرفتاری کے خلاف اپیل کی سماعت کرنے والے 3 رکنی سپریم کورٹ بینچ سربراہی کریں گے۔ جسٹس محمد علی مظہر اور جسٹس اطہر من اللہ بھی بینچ کا حصہ ہیں۔
عمران خان کی گرفتاری، تحریکِ انصاف کا روزانہ احتجاج کا فیصلہ
عدالتِ عظمیٰ نے عمران خان کی گرفتاری کیلئے دائر اپیل کی سماعت آج دن 2 بجے سماعت کیلئے مقرر کی ہے۔ رہنما پی ٹی آئی فواد چوہدری نے سپریم کورٹ میں اسلام آباد ہائیکورٹ سے عمران خان کی گرفتاری چیلنج کردی تھی۔
سپریم کورٹ میں دائر کی گئی درخواست میں درخواست گزار نے استدعا کی ہے کہ عدالتِ عظمیٰ اسلام آباد ہائیکورٹ کی جانب سے عمران خان کی گرفتاری کو درست قرار دئیے جانے کے فیصلے کو کالعدم قرار دے۔
خیال رہے کہ اس سے قبل پی ٹی آئی قیادت نے سابق وزیر اعظم عمران خان کی گرفتاری کے خلاف روزانہ احتجاج کا فیصلہ کرلیا، جس کا اعلان پی ٹی آئی کی سینئر قیادت نے کیا۔
گزشتہ روز پی ٹی آئی قیادت نے کارکنان کو ہر روز پر امن احتجاج کی ہدایت کی۔ سینئر قیادت بشمول شاہ محمود قریشی اور صوبائی صدر پرویز خٹک نے کارکنان کو ہدایات دے دیں۔
