سندھ میں اسکول اور کالجز مزید دو روز بند رکھنے کا اعلان

کراچی: محکمہ تعلیم سندھ کی جانب سے اسکولوں کی بندش سے متعلق اہم فیصلہ سامنے آگیا، وزیر تعلیم سردار شاہ کا کہنا ہے کہ کراچی سمیت سندھ بھر میں مزید دو روز تک تعلیمی ادارے بند رہیں گے۔

محکمہ تعلیم کےنوٹیفکیشن کے مطابق حالیہ مون سون بارشوں کےپیش نظر سرکاری و نجی اسکولز کالجز آئندہ دو روز جمعہ اور ہفتہ بند رہیں گے، پیر کے دن سے تعلیمی سرگرمیاں بحال کی جائیں گی۔

مزید پڑھیں:گڈو بیراج پر اونچے درجے کا سیلاب، کئی دیہات زیر آب، فصلیں تباہ

وزیر تعلیم سندھ سید سردار شاہ کا کہنا تھا کہ تعلیمی اداروں میں بندش کے فیصلے کا اطلاق صوبے بھر کے اسکولز اور کالجز میں ہوگا۔

دوسری جانب آل سندھ پرائویٹ اسکولز ایسوسی ایشن نےوزیرتعلیم سندھ کافیصلہ ماننےسےانکارکردیاہے،ترجمان کےمطابق کراچی کےحالات خراب نہیں تواسکولزکیوں بندرکھےجائیں

ترجمان کےمطابق وزیر تعلیم کا فیصلہ دانشمندانہ نہیں تعلیم پر اثر پڑیگا،کراچی کے حالات خراب نہیں تو اسکولز کیوں بند رکھے جائیں

کل اور پرسوں اسکولز لازمی کھولے جائینگے تمام اسکولز کو ہدایت جاری کردی ہیں

واضح رہےکہ سندھ کے کئی اضلاع میں اب بھی سیلابی صورتحال ہے اورسندھ کے بیشتر اسکولز اور کالجز زیر آب ہیں اور متاثرین کے رلیف کیمپس میں تبدیل ہو گئے ہیں۔