گوگل نیوز پر ہمیں فالو کریںاسلام آباد: سعودی عرب کی وزارت صحت نے فریضہ حج کی ادائیگی کے لیے آنے والوں کے لیے منظورشدہ کورونا ویکسین کی شرط عائد کردی ہے۔ عازمین حج کو ویکسین ذوالحجہ سے قبل لگوانی لازمی ہو گی۔
سعودی وزارت صحت کی جانب سے جاری ہونے والے مراسلے میں کہا گیا کہ بیرون ملک سے آنے والے عازمین کا دوبارہ کورونا ٹیسٹ ہو گا جبکہ اندرون مملکت سے حج جانے والے وہ ذوالحجہ سے قبل کورونا ویکسینیشن کا کورس مکمل کرلیں۔
وزارت صحت کے مطابق بیرون ملک سے آنے والے عازمین کے لیے لازمی ہوگا کہ وہ کورونا ویکسین لگوائے جانے ثبوت پیش کریں گے جبکہ حج سیزن میں کام کرنے والے مستقل طورپر ماسک لگانے کے پابند ہونگے۔
مراسلے کے مطابق سعودی عرب میں پہنچنے والے عازمین حج کو 72 گھنٹے کے لیے قرنطینہ کیا جائے گا، جس کے 48 گھنٹے بعد مقررہ و منظور شدہ فیلڈ سروس کی ٹیمیں عازمین کا دوبارہ کورونا ٹیسٹ کریں گی۔
یہ بھی پڑھیں : فلسطین میں کورونا تیزی سے پھیلنے لگا، 1780 نئے کیسز رپورٹ
