سعودی عرب کی وزارت مذہبی امور کے ترجمان عبداللہ العنزی نے اعلان کیا کہ شاہ فہد کمپلیکس کی جانب سے جاری کردہ قرآن پاک کے 300,000 نسخے خادم حرمین شریفین شاہ سلمان بن عبدالعزیز آل سعود کی جانب سے تحفے کے طور پر جمہوریہ موریطانیہ پہنچائے گئے ہیں۔

العنزی نے سعودی عرب کے ’الاخباریہ چینل کے پروگرام‘ “120” سے فون پر گفتگو کرتے ہوئے کہا کہ قرآن پاک کے یہ نسخے موریطانیہ میں خادم حرمین شریفین کے عنوان سے منعقدہ قرآن وسنت کے سالانہ مقابلے کے موقع پر تقسیم کیے جائیں گے۔

یہ بھی پڑھیں:

وزارت مذہبی امور کے ترجمان نے مزید کہا کہ قرآن کو خیراتی مراکز اور انجمنوں میں بھی تقسیم کیا جائے گا تاکہ وہ قرآن پاک کو حفظ کرنے میں اپنا کردار ادا کرسکیں۔