نازیبا ویڈیو کا معاملہ، ثانیہ عاشق کی ایف آئی اے سے کارروائی کی درخواست

لاہور: پاکستان مسلم لیگ (ن) کی رکنِ پنجاب اسمبلی ثانیہ عاشق نے نازیبا ویڈیو کے معاملے پر وفاقی تحقیقاتی ادارے (ایف آئی اے) سے قانونی کارروائی کی درخواست کی ہے۔

سماجی رابطے کی ویب سائٹ ٹوئٹر پر اپنے پیغام میں ن لیگی رہنما عطاء اللہ تارڑ کا کہنا ہے کہ ایف آئی اے میں درخواست سائبر کرائمز ایکٹ کے تحت جمع کرائی گئی۔ امید کرتے ہیں کہ ذمہ داران کے خلاف کارروائی ہوگی۔

یہ بھی پڑھیں:

رکن پنجاب اسمبلی ثانیہ عاشق سے منسوب نازیبا ویڈیو سوشل میڈیا پر وائرل

سرکاری زمینوں پر قبضوں کے خلاف جوڈیشل کمیشن بنایا جائے، حلیم عادل شیخ

نازیبا ویڈیوز، مفتی قوی، جاویداقبال اور محمد زبیر کی شامت آگئی

ٹوئٹر پیغام میں ن لیگ کے سینئر رہنما عطاء اللہ تارڑ نے کہا کہ ثانیہ عاشق کے خلاف جھوٹی اور نازیبا ویڈیو اور تصاویر پھیلانے والوں کو شرم آنی چاہئے۔ ملزمان نے مرحوم والد کی بسترِ مرگ پر تصاویر تک کو غلط رخ دیا۔ 

سائبر کرائم ایکٹ کے تحت ایف آئی اے میں درخواست جمع کروائی ہے اور امید کرتے ہیں کہ ذمہ داران کے خلاف کارروائی عمل میں لائی جائے گی۔ @SaniaaAshiq کے خلاف جھوٹی نازیبا وڈیوز اور تصاویر پھیلانے والوں کو شرم آنی چاہیے۔ مرحوم والد کی بستر مرگ پر تصاویر تک کو غلط رخ دیا گیا@JAKalyar pic.twitter.com/9glo2TTLe6

— Attaullah Tarar (@TararAttaullah) October 26, 2021

ن لیگ کی نائب صدر مریم نواز نے کہا کہ ہر شخص کو ثانیہ عاشق کے حق میں اپنا کردار اداکرنا ہوگا۔ ہم بلیک میلنگ اور ہراسگی کے واقعات کو ختم کرنا چاہتے ہیں تاکہ کوئی خاتون اس کا شکار نہ ہو۔ 

Everyone pls play your part in this. We need to put an end to this blackmailing & harassment. No victim should now take it lying down. https://t.co/MVQS67E7S1

— Maryam Nawaz Sharif (@MaryamNSharif) October 26, 2021

رکنِ پنجاب اسمبلی ثانیہ عاشق نے کہا کہ مجھے ہراسگی کا نشانہ بنایا گیا، سیکڑوں دھمکی آمیز کالز موصول ہوئیں، ٹک ٹاک پر گھٹیا گانے بنائے گئے، فیس بک پر پوسٹس کی گئیں اور ویڈیو کلپس چلائے گئے۔

اپنے ٹوئٹر پیغام میں ثانیہ عاشق نے کہا کہ میرے والد کی زندگی کے آخری لمحات میں لی گئی تصویر کو مسخ کیا گیا جو میں اپنے ذہن سے کبھی نکال نہیں سکتی۔ ذمہ دار افراد کے خلاف قانونی کارروائی کی جائے گی۔ 

A targeted harassment strategy starting with hundreds of threatening calls,3rd grade songs on tiktok, replusive posts on fb, random clips associated to me;has now culminated at using picture of my father literally during last hours of his life,moments I can never erase frm memory

— Sania Ashiq (@SaniaaAshiq) October 26, 2021

ثانیہ عاشق نے کہا کہ میں نے نازیبا مواد پھیلانے والے تمام سوشل میڈیا اکاؤنٹس کی شناخت اور کارروائی کیلئے قانونی راستہ اپنانے کا فیصلہ کیا ہے جبکہ رکنِ اسمبلی ہونے کی حیثیت سے میں قانون کی پابند ہوں۔ 

I have decided to follow all legal procedures to identify such accounts & report them to relevant authorities; because being member of legislative assembly its my duty to follow the rule of land wherever possible. I’ve to prove to every girl that this society still cares for us pic.twitter.com/PDTS2II2an

— Sania Ashiq (@SaniaaAshiq) October 26, 2021

خیال رہے کہ اس سے قبل پاکستان مسلم لیگ (ن) کی رکنِ پنجاب اسمبلی ثانیہ عاشق سے منسوب نازیبا ویڈیو سوشل میڈیا پر وائرل ہو گئی جسے کسی انجان شخص نے سوشل میڈیا پر ڈال دیا۔

 نازیبا مناظر پر مشتمل ویڈیو سوشل میڈیا پلیٹ فارمز پر رواں ماہ متعدد مرتبہ شیئر کی گئی، دعویٰ کیا گیا کہ ویڈیو میں موجود خاتون رکنِ پنجاب اسمبلی ثانیہ عاشق ہیں تاہم اس کی تصدیق نہ ہوسکی۔