گوگل نیوز پر ہمیں فالو کریںکراچی: پاکستانی ڈرامہ انڈسٹری کی مشہور و معروف اداکارہ صنم جنگ بھی کورونا وائرس کا شکار ہو گئی ہیں۔
سماجی رابطے اور فوٹو شیئرنگ پلیٹ فارم انسٹا گرام کے ذریعے اداکارہ صنم جنگ نے مداحوں کو کورونا وائرس ٹیسٹ کا نتیجہ مثبت آنے سے آگاہ کیا۔
مداحوں کے نام اپنے پیغام میں اداکارہ صنم جنگ نے کہا کہ کورونا وائرس ٹیسٹ کا نتیجہ مثبت آنے کے بعد میں اپنی بیٹی کے ہمراہ خود کو آئسولیٹ کر رہی ہوں۔
اداکارہ صنم جنگ نے عوام سے اپیل کی کہ کورونا وائرس کی روک تھام کیلئے ایس او پیز کا خیال رکھیں، ماسک بھی پہنیں اور سماجی فاصلے کا اہتمام بھی کریں۔
یاد رہے کہ اِس سے قبل پاکستانی ڈرامہ اور فلم انڈسٹری کی مشہور و معروف اداکارہ ماہرہ خان کا کورونا وائرس ٹیسٹ کا نتیجہ مثبت نکلا جس کے بعد ماہرہ خان نے اپنے آپ کو قرنطینہ کر لیا۔
تفصیلات کے مطابق پاکستانی شوبز انڈسٹری میں ایک کے بعد ایک فنکار کورونا وائرس کا شکار ہونے لگے، ماہرہ خان نے سماجی رابطے کی ویب سائٹ اور فوٹو شیئرنگ پلیٹ فارم انسٹا گرام پر گزشتہ روز اپنے مداحوں کو خود کورونا وائرس میں مبتلا ہونے کی خبر دی۔
مزید پڑھیں: پاکستانی اداکارہ ماہرہ خان کا کورونا وائرس ٹیسٹ کا نتیجہ مثبت آگیا
