گوگل نیوز پر ہمیں فالو کریںچرنجیوی اور سلمان خان نے موہن لال کی تیلگو ریمیک فلم گاڈ فادر 5 اکتوبر کو سینماگھروں میں ریلیز ہوئی ہے۔
حال ہی میں ایک خبر سامنے آئی ہے کہ اس فلم کے جملہ حقوق نیٹ فلکس نے حاصل کرلیے ہیں اوراب فلم آن لائن اسٹریمنگ پلیٹ فارم پر 19 نومبر کو پیش کی جائے گی۔
فلم میں چرنجیوی، نینتھارا اور ستیہ دیو نے مرکزی کردار ادا کیے ہیں، ایک ایسی کہانی ہے جو ریاست کے وزیر اعلیٰ کی موت کے فوراً بعد ایک سیاسی پارٹی میں اقتدار کی کشمکش کے گرد گھومتی ہے۔
دوسری جانب گلوکار سدھو موسے والا کے قتل میں ملوث گروہ کی جانب سے دھمکی دیے جانے کے بعد بلآخر سپر اسٹار اداکار سلمان خان کی سیکیورٹی بڑھادی گئی ہے۔
بھارتی میڈیا کی رپورٹ کے مطابق سلمان خان اپنی حفاظت کے لیے ہتھیار کے لائسنس کے لیے درخواست دے چکے ہیں، تاہم اب انہیں خطرے میں تصور کرتے ہوئے ان کی سیکیورٹی بڑھا کر وائی پلس(+Y) کردی گئی ہے۔
