گوگل نیوز پر ہمیں فالو کریںواشنگٹن: ری پبلکنز نے امریکی ایوانِ نمائندگان میں 9 اضافی نشستیں حاصل کرکے ایوان کا کنٹرول حاصل کر لیا ہے۔
تفصیلات کے مطابق امریکی ایوانِ نمائندگان کے مڈ ٹرم الیکشن میں 218 نشستیں حاصل کر لیں جبکہ ڈیموکریٹس 435رکنی ایوانِ نمائندگان میں 210 نشستیں لے سکے۔
الزامات میں صداقت نہیں، پاکستان کیساتھ دیرینہ تعاون کی قدر کرتے ہیں۔امریکا
دوسری جانب ڈیموکریٹس نے امریکی سینیٹ میں 1 اضافی نشست کے ساتھ برتری حاصل کر لی۔ ری پبلکنز ایک نشست کھو بیٹھے اور 49 نشستوں کے ساتھ دوسری اہم پارٹی بن گئے۔
صدر جو بائیڈن ایوانِ نمائندگان میں اکثریت کھو دینے کے بعد قانون سازی میں مشکلات کا شکار ہیں جبکہ ری پبلکن رہنما مچ میکونیل سینیٹ میں اقلیتی لیڈر کے طور پر منتخب ہو کر سامنے آئے ہیں۔
خیال رہے کہ اس سے قبل امریکا نے کہا کہ پاکستان کے ساتھ دیرینہ تعاون کی قدر کرتے ہیں، ہم پر لگائے گئے الزامات میں کوئی صداقت نہیں۔
حال ہی میں امریکی محکمۂ خارجہ کی جانب سے پاک امریکا تعلقات پر بیان جاری کردیا گیا۔ ترجمان امریکی وزارتِ خارجہ ویدانت پٹیل کا کہنا تھا کہ جمہوری اور خوشحال پاکستان خطے اور دنیا کے مفاد میں ہے۔
ترجمان امریکی وزارتِ خارجہ نے کہا کہ خوشحال اور جمہوری پاکستان کو امریکا کے مفاد میں دیکھتے ہیں جبکہ امریکا پاکستان کے ساتھ اپنے دیرینہ تعلقات کو قدر کی نگاہ سے دیکھتا ہے۔ پہلے بھی کہہ چکے ہیں کہ الزامات میں صداقت نہیں۔
