ریحام خان، عمران خان کا نام لینے سے گھبرانے لگیں، کیا کہہ کر مخاطب کیا

اسلام آباد: ریحام خان سابق وزیراعظم عمران خان کا نام لینے سے گھبرانے لگیں۔

سماجی رابطے کی ویب سائٹ ٹوئٹر پر اپنی ٹوئٹ میں ریحام خان نے لکھا کہ ایک شخص جو ذاتی مفاد کی خاطر ملک میں انتشار پھیلانا چاہتا ہے اور اس مقصد کے لیے وہ لوگوں کے بچوں کو استعمال کر رہا ہے۔

ایک شخص جو ذاتی مفاد کی خاطر ملک میں انتشار پھیلانا چاہتا ہے اور اس مقصد کے لیے وہ لوگوں کے بچوں کو استعمال کر رہا ہے۔

میری پولیس سے گزارش ہے کہ یہ نادان اور گمراہ بچے ہیں ان پر تشدد سے گریز کریں ۔

تشدد سے انتشار مزید پھیلتا ہے

— Reham Khan (@RehamKhan1) May 25, 2022

انہوں نے لکھا کہ میری پولیس سے گزارش ہے کہ یہ نادان اور گمراہ بچے ہیں ان پر تشدد سے گریز کریں، تشدد سے انتشار مزید پھیلتا ہے۔

یہ بھی پڑھیں: کیا عامر لیاقت، عمران خان کی سابقہ اہلیہ ریحام خان سے شادی کرنے والے ہیں؟

اُن کی جانب سے اس ٹوئٹ کے بعد ایسا خیال کیا جارہا ہے کہ شاید وہ بھی عمران خان کے مریم نواز پر کیے گئے تبصرے کے بعد اُن کا نام لیتے ہوئے گھبرارہی ہیں۔

خیال رہے کہ پاکستان تحریک انصاف کے چیئرمین عمران خان نے ملتان میں جلسے سے خطاب کے دوران مریم نواز پر تبصرہ کرتے ہوئے کہا تھا کہ گزشتہ روز مجھے کسی نے مریم نواز کے خطاب کا کلپ بھیجا جس میں اس نے بار بار اتنے جذبے اور جنون سے میرا نام لیا، جس پر میں مریم سے کہنا چاہتا ہوں مریم دیکھو تھوڑا دھیان کرو کہیں تمھارا خاوند ہی نہ ناراض ہو جائے جس طرح تم میرا نام لیتی ہو۔