آئی سی سی نے بھی راولپنڈی کی پچ کو اوسط سے کم درجہ قراردیدیا

دبئی :آئی سی سی ایلیٹ پینل آف میچ ریفریزکے رکن رنجن مدوگالے نے راولپنڈی کے پنڈی کرکٹ اسٹیڈیم میں پاکستان اور آسٹریلیا کے درمیان پہلے ٹیسٹ کے لیے استعمال ہونے والی پچ کو اوسط سے کم قرار دیدیا۔

رنجن مدوگالے نے کہا کہ پچ کا کردار پانچ دنوں کے دوران مشکل سے بدلا ،پچ میں سیمرز کے لیے تیز رفتار تھی نہ ہی میچ کے آگے بڑھنے کے ساتھ ساتھ اسپنرز کومدد ملی۔ میری نظر میں یہ بلے اور گیند کے درمیان یکساں مقابلے کی نمائندگی نہیں کرتا۔ لہٰذا، آئی سی سی کے رہنما خطوط کو مدنظر رکھتے ہوئے میں اس پچ کو اوسط سے کم درجہ دیتا ہوں۔

مزید پڑھیں:پرفارم کروں یا نہ کروں مجھ پر تنقید ہوتی ہے،تنقید سے گھبراتا نہیں،امام الحق

واضح رہے کہ اور آسٹریلیا کے درمیان راولپنڈی ٹیسٹ ڈرا ہوگیاتھا، پہلی اننگز میں آسٹریلیا کے 459 رنز پر ڈھیر ہوجانے کے بعد نے اپنی دوسری اننگز میں بغیر کوئی وکٹ گنوائے 252 رنز بنائے تھے اس لئے اب پنڈی ٹیسٹ کے نتائج کے بعد کراچی ٹیسٹ کی پِچ توجہ کا مرکز بن گئی ۔

آسٹریلیا کے درمیان دوسرا ٹیسٹ میچ 12 مارچ سے کراچی کے نیشنل اسٹیڈیم میں کھیلا جائے گا۔آسٹریلوی ٹیم کے کپتان پیٹ کمنز اور کھلاڑیوں نے پِچ کا معائنہ کیا،قومی کرکٹ ٹیم کے کھلاڑی شاہین شاہ آفریدی نے بھی وکٹ کا معائنہ کیا۔