گوگل نیوز پر ہمیں فالو کریںرانا نائیڈو سیزن 2 ایک بے ہنگم لیکن دھماکہ خیز کہانی کے ساتھ واپس آئی ہے، اداکار رانا دگوبتی اپنے بیٹ سے انصاف کرنے والے ’فکسر‘ کے روپ میں ایک بار پھر اسکرین پر نمودار ہوتے ہیں جو اس بار بھی مسائل، اشتعال انگیزی اور عجیب و غریب مناظر کے بوجھ تلے دبے ہوئے ہیں مگر پھر بھی سیریز کو زندہ رکھے ہوئے ہیں۔
ممبئی کی گلیوں سے وابستہ ایک ولن کا مکالمہ “اسٹریٹ ڈرائیو کے علاوہ کچھ آتا ہی نہیں”، دراصل اسی تضاد کو بیان کرتا ہے جس پر یہ شو قائم ہے،بے ادب، دلیرمگر کہیں نہ کہیں متوجہ کرنے والا۔
Kattappa ne Rana ko kyu dhamkaya? 🔥
Watch Rana Naidu Season 2, out now, only on Netflix.#RanaNaiduOnNetflix #JoLineCrossKiyaWoGaya pic.twitter.com/2sK4wPGGB7— Netflix India (@NetflixIndia) June 16, 2025
آٹھ اقساط پر مشتمل اس دوسرے سیزن میں یہ شو اپنے پہلے سیزن کی شورش زدہ توانائی کو قدرے کھو دیتا ہے لیکن اس کی فحاشی اور بے باکی بدستور برقرار ہے جو بھارتی اسٹریمنگ دنیا میں اسے منفرد بناتی ہے۔
رانا دگوبتی ایک حیدرآبادی فکسر کے طور پر واپس آئے ہیں جو ممبئی کے چمکتے دمکتے حلقوں میں کام کرتا ہے۔ پہلے سیزن میں وہ اپنے بدمزاج والد (جو ان کے حقیقی ماموں وینکاتیش دگوبتی ہیں) کا سامنا کرتے ہیں اور دونوں ایک پریشان کن صلح پر پہنچتے ہیں۔ اس بار نئی دشمنیاں جنم لیتی ہیں، بھائی آپس میں دشمن بن جاتے ہیں اور خاندان کی پیچیدہ دنیا مزید بھنور میں ڈوبتی جاتی ہے۔
رانا کی بیوی نینا (سروین چاولا) ایک اور مرد (ڈینو موریا) کی آغوش میں سکون تلاش کرتی ہے۔ رانا کے بھائی (سوشانت سنگھ اور شاندار اداکاری کرنے والے ابھیشیک بنرجی) اس کی ماضی کی پرتشدد زندگی اور لاپروائی کے خلاف کھڑے ہوتے ہیں جبکہ ستم ظریفی یہ ہے کہ وہی زہریلے والد کے ساتھ کام بھی کر رہے ہیں جس نے سب کو غصے میں ابلتے وجود میں تبدیل کر دیا ہے۔
ارجن رامپال، رجت کپور سمیت کئی دیگر اداکار کہانی میں مختلف ذیلی کہانیوں، کرداروں اور بگاڑ کے ساتھ رنگ بھرتے ہیں۔ رامپال کی کارکردگی خاص طور پر قابلِ تعریف ہے۔یہ شو اپنے فطری مزاج میں جنسی انحراف، مردانگی کی جارحیت اور بے قابو خواہشات کو اہمیت دیتا ہے۔
یہ سیریز کرن انشمن کی تخلیق ہے جو کہ بظاہر بددماغ مردوں کی دنیا تخلیق کرنے میں مہارت رکھتے ہیں۔ شو کے طاقتور اداکار، ہر منظر میں اپنی موجودگی سے انصاف کرتے ہیں، مگر بعض اوقات تحریر کا معیار اس کی رفتار میں رکاوٹ بنتا ہے۔ اکثر اوقات کہانی میں واقعات کا تسلسل نظر نہیں آتا یوں لگتا ہے جیسے زندگی خود ہی ان کرداروں پر مسلط ہو رہی ہو۔
#RanaNaidu pic.twitter.com/W6KT2piUbC
— 000009 (@ui000009) June 14, 2025
رانا دگوبتی کا انتخاب بھی دلچسپ ہے نہ وہ کسی فکسر جیسے جسمانی خدوخال رکھتے ہیں اور نہ ہی کسی کامیاب فاتح کی جھلک ان کے چہرے پر نظر آتی ہے۔ ان کا کردار ایک ایسے مرد کا عکس ہے جو اندر سے خالی ہے، مگر باہر سے سخت اور پراسرار نظر آنا چاہتا ہے۔ سیزن کا آغاز ان کے بیٹے کے اغوا سے ہوتا ہے، لیکن کہانی پھر بار بار اپنی ہی رفتار کو توڑ کر بھٹکتی رہتی ہے۔
یہ دوسرا سیزن پہلے سیزن کی طرح بے قابو تو نہیں لیکن اشتعال انگیزی کی سطح بلند کرنے میں کامیاب ہے۔ اس سیریز کو مزید متوازن بنانے کے لیے تھوڑی نرم مزاجی، مردانگی کے سخت پہلو میں نرمی اور کچھ مناظر کو سادگی سے گزرنے دینا، شاید اسے مزید بہتر بنا سکتا تھا۔رانا نائیڈو سیزن 2 نیٹ فلکس پر دستیاب ہے۔
