رمضان شوگر ملز: احتساب عدالت حمزہ شہباز کیس کی سماعت 27 مارچ کو کریگی

لاہور: احتساب عدالت 27 مارچ کو پاکستان مسلم لیگ (ن) کے رہنما حمزہ شہباز کے خلاف رمضان شوگر ملز کیس کی سماعت کرے گی۔

سماعت کے دوران قومی احتساب بیورو کے پراسیکیوٹر نے حمزہ شہباز کے خلاف مقدمہ درج کرنے سے متعلق رپورٹ پیش کی۔بعد ازاں عدالت نے حمزہ شہباز کے جوڈیشل ریمانڈ میں 14 دن کی توسیع کردی۔

حمزہ شہباز پر اپنے والد شہباز شریف کے ساتھ چنیوٹ میں نالی بنانے کا الزام ہے جس سے رمضان شوگر مل میں فائدہ ہوا۔

مزید پڑھیں:ہاؤسنگ اسکینڈل: احتساب عدالت میں خواجہ برادران کیخلاف کیس کی سماعت آج ہوگی

نیب کاکہنا ہے کہ سال 2018 میں حمزہ کے اثاثوں کی مالیت 410 ملین روپے تھی اور اثاثوں کے ثبوت فراہم نہیں کرسکے اور اس رقم کو دبئی اور انگلینڈ منتقل کیاگیا اور منی لانڈرنگ میں 40 افراد ملوث تھے۔

9 اپریل کو حمزہ اور شہباز شریف پر فرد جرم عائد کی گئی تھی تاہم دونوں ملزمان نے اپنے اوپر لگائے گئے الزامات کی تردید کی تھی۔