گوگل نیوز پر ہمیں فالو کریںاسلام آباد: پاکستان کرکٹ بورڈ کے سربراہ رمیز راجہ نے واضح کر دیا کہ بھارتی کرکٹ ٹیم پاکستان کھیلنے نہ آئی تو ہم بھی بھارت نہیں جائیں گے۔
چیئرمین پی سی بی نے اسلام آباد میں گزشتہ روز ایک تقریب میں بات کرتے ہوئے کہا کہ اگر پاکستان آئندہ برس انڈیا میں شیڈول ورلڈکپ میں شرکت نہیں کرے گا تو دیکھے گا کون؟‘
واضح رہے کہ ایشین کرکٹ کونسل کے صدر جے شاہ نے رواں برس اکتوبر میں بیان دیا تھا کہ بھارتی کرکٹ ٹیم اگلے سال ہونے والے ایشیا کپ کے لیے پاکستان نہیں جائے گی اور ہوسکتا ہے یہ ٹورنامنٹ کسی نیوٹرل مقام پر منتقل کردیا جائے۔
چیئرمین پی سی بی کا کہنا تھا کہ ہمارا واضح موقف ہے بھارتی ٹیم آئی گی تو ہی ہم ورلڈکپ میں کھیلنے جائیں گے نہ آئی تو پھر ورلڈکپ ہمارے بغیرکروا دکھا دیں۔ ہم بھارتی فیصلے پر جارحانہ انداز اپنائیں گے۔
رمیز راجہ نے کہا کہ ہم ٹی20 ورلڈ کپ کا فائنل کھیل کرآئے ہیں۔ بھارتی کرکٹ بورڈ یا ایشین کرکٹ کونسل سے بھارت کی جانب سے پاکستان میں ایشیا کپ نہ کھیلنے کے حوالے سے تاحال بات نہیں ہوئی۔ہماری ٹیم پارفارمنس دِکھا رہی ہے، ہم نے دنیا کے بڑے بزنس بنانے والی کرکٹ ٹیم کو ہرایا ہے۔
چیئرمین پی سی بی نے کہا کہ ایشیا کپ میں ہم نے بھارت کو ہرایا، ایک سال میں پاکستان کرکٹ ٹیم نے دو مرتبہ بلین ڈالر اکانومی کے بورڈ کو ہرایا ہے۔
انہوں نے کہا کہ میں ہمیشہ سے کہتا تھا ہم نے پاکستان کرکٹ کی معیشت کو بہتر کرنا ہے اور وہ ایک ہی صورت میں ہوگی جب ہماری ٹیم بہتر پرفارم کرے گی، ہم نے 2021 کے ٹی 20 ورلڈ کپ میں بھارت کو شکست دی۔
مزید پڑھیں:طلاق کی افواہیں، ثانیہ مرزا کی نئی ویڈیو سامنے آگئی
واضح رہے کہ ایشیا کپ آئندہ برس پاکستان میں شیڈول ہے جو2023 کے وسط میں کھیلا جائے گا جس کا فارمیٹ ون ڈے رکھا گیا ہے۔ ایشیا کپ کے بعد 2023 میں بھارت میں ون ڈے کرکٹ کا عالمی عالمی میلہ سجے گا۔
