چیئرمین پی سی بی آئی سی سی کے سالانہ اجلاس میں شرکت کیلئے تیار

لاہور: چیئرمین پی سی بی رمیز راجا عالمی کرکٹ کونسل (آئی سی سی) کے سالانہ اجلاس  میں شرکت کیلئے تیار ہیں جو رواں ماہ 15 اور 16جولائی کو ہوگا۔

تفصیلات کے مطابق رمیز راجا نے آج انگلینڈ روانگی کیلئے رختِ سفر باندھ لیا۔ چیئرمین پی سی بی جمعہ کے روز سے ہفتے تک جاری رہنے والی آئی سی سی کرکٹ کمیٹی میٹنگ میں شرکت کریں گے۔

یہ بھی پڑھیں:

وقار یونس  ٹی ٹوئنٹی ورلڈکپ میں اچھی کارکردگی کیلئے پراُمید

آئی سی سی نے برمنگھم گیمز سے قبل سالانہ بورڈ میٹنگز 23 سے 26 جولائی تک رکھنے کا فیصلہ کیا ہے جس میں مستقبل کے ٹور پروگرامز اور آئی پی ایل ونڈو میں توسیع کی مخالفت کی جائے گی۔

پاکستان آئی پی ایل کے خلاف واضح مؤقف رکھتا ہے۔ رمیز راجہ سالانہ 4 ملکی ٹورنامنٹ پر بھی گفتگو کریں گے۔ پاکستان، بھارت، آسٹریلیا اور انگلینڈ پر مبنی سیریز جلد کھیلے جانے کا امکان ہے۔

جون کے دوران بھارتی کرکٹ بورڈ نے آئی پی ایل کیلئے ڈھائی ماہ مختص کرنے کا اعلان کیا تاہم قومی کرکٹ ٹیم کے کھلاڑی تاحال آئی پی ایل سے دور رہنے پر مجبور ہیں، چیئرمین پی سی بی فیصلے کے خلاف ہیں۔

رمیز راجا آئی سی سی میٹنگز میں پاکستان کا مؤقف کرکٹ کی بین الاقوامی تنظیم کے سامنے رکھیں گے جبکہ بھارتی کرکٹ بورڈ تمام بین الاقوامی کرکٹرز آئی پی ایل میں شریک کرنے کیلئے کوشاں ہے۔