عوام کیلئے خوشخبری، پبلک ٹرانسپورٹرز نے کرایوں میں کمی کا اعلان کردیا

لاہور: حکومت کی جانب سے پیٹرولیم مصنوعات کی قیمتوں میں کمی کے نوٹیفیکیشن کے بعد پبلک ٹرانسپورٹرز نے بھی 10 فیصد کرایوں میں کمی کا اعلان کردیا۔

تفصیلات کے مطابق ترجمان پبلک ٹرانسپورٹ اونرز فیڈریشن نے اس حوالے سے کہا ہے کہ حکومت نے پبلک ٹرانسپورٹ پر فی سیٹ انکم ٹیکس، ٹوکن ٹیکس 300 روپے سے بڑھا کر 8000 روپے سالانہ کردیا۔

ٹرانسپورٹ اونر کے مطابق حکومت نے ڈیزل کی قیمتوں میں 133 روپے فی لیٹر اضافہ کر کے 40 روپے 54 پیسے کی کمی کی ہے لیکن ڈیزل کی قیمت ابھی بھی زیادہ ہے اِس کے باوجود بھی کرایوں میں کمی کررہے ہیں۔

ترجمان پبلک ٹرانسپورٹ نے کہا کہ راولپنڈی کے کرایہ میں 100 روپے، فیصل آباد 50 روپے، ملتان 100 روپے، صادق آباد 200 روپے تک کمی کردی گئی ہے۔

یہ بھی پڑھیں:

الیکشن کمیشن کا پنجاب کے اہم حلقوں میں فوج کی تعیناتی کا مطالبہ

ترجمان پبلک ٹرانسپورٹ کا مزید کہنا تھا کہ حکومت اڈا پرچی اور اضافی پرچیوں کا خاتمہ کر یں ہم مزید کرایوں میں کمی کر دئینگے۔