2023میں پی ٹی آئی سندھ میں حکومت بنائے گی،علی زیدی

کراچی: پاکستان تحریک انصاف سندھ کے صدر اور وفاقی وزیر بحری امور علی زیدی نے کہا ہے کہ ہمارا اگلہ ٹاسک سندھ میں حکومت بناناہے،2023میں پی ٹی آئی سندھ میں حکومت بنائے گی۔

ان خیالات کا اظہار انہوں نے اتوار کو انصاف ہاؤس میں اپنے کارکنوں سے ملاقات کے دوران خطاب میں کیا۔وفاقی وزیر و پی ٹی آئی سندھ کے صدر علی زیدی کی انصاف ہاؤس کراچی آمد پر کارکنان نے ان کاپرتپاک استقبال کیا۔

کارکنان نے عمران خان علی زیدی کی حق میں بلند نعرے بازی کی۔کارکنان نے پھولوں سے علی زیدی کا استقبال کیا۔اس موقع پراراکین اسمبلی جمال صدیقی، عدیل احمد، ریاض حیدر، ارسلان تاج،راجہ اظہر، سدرہ عمران۔وزیراعظم کے معاون خصوصی محمود مولوی اور دیگر رہنما بھی موجود تھے۔

وفاقی وزیر اور پی ٹی آئی سندھ کے صدر علی زیدی نے کہا کہ تمام ورکرز کے ویلکم پر ان کا شکر گزار ہوں۔پارٹی کارکنان پی ٹی آئی کا سرمایہ ہیں۔چیئرمین پی ٹی آئی عمران خان نے مجھے اہم ذمہ داری دی ہے۔قائد اعظم نے کہا اتحاد ایمان اور تنظیم پر عمل کرنا ہے۔ان تین نکات پر عمل کیا گیا تو ملک بہت آگے جائے گا۔

انہوں نے کہا کہ میری خدا سے دعا ہے کہ ہمارا ورکر ایوانوں میں جائے۔ورکر ایم این اے اور ایم این اے بنا ہے۔میں کل بھی ورکر تھا آج بھی ورکر ہوں۔خدا کے سامنے کچھ ناممکن نہیں۔راجہ اظہر، بلال غفار بھی کل بھی ورکر تھے۔پارٹی کے آج بھی ورکر ہیں۔

علی زیدی نے کہا کہ ہمارے آگے بہت مشکل ٹاسک ہے۔ہم نے ابھی ایک جنگ لڑنی ہے۔ہمیں متحد ہوکر سندھ کی جنگ لڑنی ہے۔سندھ کے عوام پچھلے 14 سال سے پانی کیلئے ترس رہی ہے۔

ہمیں اپنی اصلاحات خود کرنی ہیں۔پھر گلی سڑکیں صحیح کرنی ہیں۔ہم نے کراچی میں دہشت گردی کیخلاف جنگ لڑی۔انہوں نے کہا کہ وزیراعظم نے پاکستان کو فلاحی ریاست بنانے کی بات کی۔

مزید پڑھیں: قوم شہید بینظیر بھٹو کی مضبوط قیادت کو کبھی فراموش نہیں کرے گی، بلاول بھٹو

ملک کو فلاحی ریاست بنانے کیلئے پی ٹی آئی نے جدوجہد کی۔ہمارے کراچی کے عہدیداران نے پارٹی کو منظم کرنے میں بھرپور کردار ادا کیا۔