گوگل نیوز پر ہمیں فالو کریںکراچی: وفاقی وزیر منصوبہ بندی اسد عمر نے تحریک انصاف کی جانب سے شہر کے مختلف حلقوں میں جاری ترقیاتی کاموں کا جائزہ لیا۔
اس موقع ان کے ہمراہ وزیراعظم عمران خان کے معاون خصوصی برائے بحری امور محمود مولوی،تاجر برادری کے صدر عتیق میر،ممبر قومی اسمبلی آفتاب صدیقی،ممبر صوبائی اسمبلی خرم شیر زمان،سدرہ عمران اور دیگر بھی موجود تھے۔
وفاقی وزیر برائے منصوبہ بندی اسد عمر کراچی کی قیادت کے ہمراہ برنس روڈ پہنچے،جہاں بنائی گئی مختلف نئی سڑکوں کا جائزہ لیا اور منتخب نمائندوں کو عوام کے مسائل حل کرنے پر سراہا۔
علاقے کے عوام اور دیگر معزز شخصیات کی جانب سے وزیراعظم عمران خان اور وفاقی حکومت کی جانب سے شہر کراچی میں جاری ترقیاتی کاموں پر شکریہ ادا کیاگیا۔
وفاقی وزیر کا اس موقع پر کہنا تھا کہ وزیر اعظم عمران خان کے وژن کے مطابق ترقیاتی کاموں کا جال بچھایا جارہا ہے، اور اس میں کوئی کوتاہی نہیں برتی جائے گی، عوام کو ہر ممکن سہولیات پہنچانے کی کوشش کی جائے گی۔
مزید پڑھیں:سندھ کے مسائل کا حل گررنر راج نہیں آرٹیکل 140 اے میں پنہا ہے، فواد چوہدری
