پاکستان تحریک انصاف (پی ٹی آئی) نے آفیشل سیکرٹ اور آرمی ایکٹ میں ترامیم کے مسودوں پر صدر کے دستخطوں کا معاملہ سپریم کورٹ میں لے جانے کا اعلان کیا ہے۔

پی ٹی آئی نے ’بنیادی حقوق اور جمہوریت و پارلیمان کی بقا پر صدر سے اظہار تشکر‘ کرتے ہوئے قومی و عدالتی سطح پر صدر کے مؤقف کی بھرپور تائید اور حمایت کا اعلان کیا۔

یہ بھی پڑھیں:

ترجمان پی ٹی آئی کا کہنا تھا کہ صدر کا موقف غیر معمولی اور سنجیدہ ترین اقدامات کا متقاضی ہے۔ صدر کے فیصلوں کو ان کی منشا کے بغیر غیر مؤثر بنانا ناقابل قبول ہے، معاملے کو سپریم کورٹ کے سامنے رکھیں گے۔

ترجمان پی ٹی آئی کا کہنا ہے کہ صدرِ مملکت وفاق کی علامت، پارلیمان کا حصہ اور افواجِ پاکستان کے سپریم کمانڈر ہیں۔

ترجمان پی ٹی آئی نے لکھا کہ سائفر کی اعلیٰ سطح تحقیقات اور اس پر عدالتی کمیشن قائم کرنے کا مطالبہ کرتے ہیں۔