گوگل نیوز پر ہمیں فالو کریںلاہور: پاکستان کرکٹ بورڈ اور پی ایس ایل فرنچائزز نے سپر لیگ کے 7ویں سیزن کا آغاز 27 جنوری سے کرنے کا فیصلہ کر لیا۔ اس حوالے سے تیاریوں کو آئندہ ایک دو روز میں حتمی شکل دی جاسکتی ہے۔
تفصیلات کے مطابق چیئرمین رمیز راجہ کی زیر قیادت کرکٹ بورڈ انتظامیہ پی ایس ایل 7 کے تمام معاملات جلد مکمل کرنے کا ارادہ رکھتی ہے۔ سیزن 7 کا پہلا مرحلہ 27 جنوری سے کرنے کی منصوبہ بندی شروع کردی گئی۔
بابر اعظم کا نیا اعزاز، پی ایس ایل 7 کیلئے کراچی کنگز کا کپتان بنا دیا گیا
پی ایس ایل کی ٹائٹل اسپانسرشپ 2025 تک ایچ بی ایل کے حوالے
پی سی بی حکام اور پی ایس ایل انتظامیہ کے مابین ملاقاتیں جاری ہیں۔ حکام کا کہنا ہے کہ 12 دسمبر سے پاکستان سپر لیگ کی ڈرافٹنگ لاہور میں ہی کرانے کا منصوبہ بنالیا گیا۔ ایونٹ سے متعلق دیگر اعلانات کا آغاز بھی آج سے ہونے کا امکان ہے۔
خیال رہے کہ اس سے قبل قومی کرکٹ ٹیم کے کپتان بابر اعظم ٹی 20 کرکٹ کے بڑے ایونٹ پی ایس ایل (پاکستان سپر لیگ) 7 کیلئے کراچی کنگز کے کپتان مقرر کردئیے گئے جس پر بابر اعظم نے ٹوئٹر پیغام میں خوشی کا اظہار کیا۔
سماجی رابطے کی ویب سائٹ ٹوئٹر پر گزشتہ ماہ 30 نومبر کو اپنے پیغام میں کراچی کنگز نے کہا کہ بابر اعظم کو پی ایس ایل 7 کیلئے کپتان مقرر کیا گیا ہے جس کی مبارکباد پیش کرتے ہیں۔
