گوگل نیوز پر ہمیں فالو کریںینگون: میانمار میں فوجی بغاوت کے خلاف احتجاج جاری ہے، مظاہرین اور سکیورٹی فورسز آمنے سامنے آ گئے۔
غیرملکی میڈیا کی رپورٹ کے مطابق میانمار میں ہلاکتوں اور پابندیوں کے باوجود جمہوریت کا تختہ الٹنے والی فوج کے خلاف مظاہرے جاری ہیں، منڈالے شہر میں اہلکاروں نے آنسو گیس کے شیل چلا دیئے، سیاسی کارکنوں نے حفاطتی اقدامات سے خود کو بچایا۔ مظاہرین نے جھنڈے اٹھا کر آمریت کے خلاف نعرے بازی بھی کی۔
غیرملکی خبررساں ادارے کی رپورٹ کے مطابق اب تک مظاہروں میں ملٹری فورسز کی فائرنگ سے 21 افراد ہلاک ہو چکے ہیں جبکہ مظاہروں میں شریک ایک ہزار سے زائد افراد کو گرفتار کیا جاچکا ہے۔ اتوار کو ہونے والے مظاہروں میں 30 سے زائد افراد کو فائرنگ کر کے زخمی کر دیا گیا تھا۔
میانمار میں ریاستی تشدد کے علاوہ آزادی اظہار رائے پر بھی پابندیاں عائد ہیں، فوجی حکمرانوں کے احکامات پر عوامی مظاہروں کی کوریج کرنے والے 8 صحافیوں کو حراست میں لیا جا چکا ہے۔
