اسلاموفوبیا سے جنگ کا بہترین طریقہ پہچان اور رہنمائی ہے۔صدرِ مملکت

اسلام آباد: صدرِ مملکت ڈاکٹر عارف علوی نے کہا ہے کہ اسلاموفوبیا سے جنگ کا بہترین طریقہ پہچان اور رہنمائی ہے جس کا مقصد اسے مسترد کرنا ہے۔

سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ اسلاموفوبیا سے لڑنے کا بہترین طریقہ یہ ہے کہ اسے پہچانا جائے اور پھر لوگوں کی رہنمائی کی جائے تاکہ دنیا میں اس گھناؤنے رویے کو مسترد کیا جائے۔

یہ بھی پڑھیں:

جسٹن ٹروڈو کا اسلاموفوبیا کے خلاف بیان، وزیر اعظم کا خیر مقدم

اسلاموفوبیا سے لڑنے کا بہترین طریقہ یہ ہے کہ اسے پہچانا جائےاور پھر لوگوں کی رہنمائی کی جائے تاکہ دنیا میں اس گھناؤنے رویے کو مسترد کیا جاسکے@ImranKhanPTI
نے دنیا کی توجہ اس طرف مبذول کرائی۔ قوموں کے رہنماؤں کو فعال طور پر اس پر بات کرتے دیکھ کر خوشی ہوئیhttps://t.co/luoZZkVb5Y

— The President of Pakistan (@PresOfPakistan) January 30, 2022

ٹوئٹر پیغام میں صدرِ مملکت نے کینیڈین وزیر اعظم کے بیان پر ردِ عمل دیتے ہوئے کہا کہ وزیر اعظم عمران خان نے عالمی برادری کی توجہ اسلاموفوبیا کی طرف مبذول کرائی۔ قوموں کے رہنماؤں کو فعال طور پر اسلاموفوبیا پر بات کرتے دیکھ کر خوشی ہوئی۔ 

خیال رہے کہ اس سے قبل وزیر اعظم عمران خان نے کینیڈین ہم منصب جسٹن ٹروڈو کے اسلاموفوبیا کے خلاف بیان اور اسلام مخالف معاملات سے نمٹنے کیلئے نمائندۂ خصوصی مقرر کرنے کے فیصلے کا خیر مقدم کیا۔

سماجی رابطے کی ویب سائٹ ٹوئٹر پرگزشتہ روز اپنے پیغام میں وزیر اعظم عمران خان نے کہا کہ میں کینیڈین ہم منصب جسٹن ٹرودو کے اسلاموفوبیا کے خلاف مذمتی بیان کا خیر مقدم کرتا ہوں جو میرے ہی مؤقف کی تائید میں ہے۔