گوگل نیوز پر ہمیں فالو کریںاسلام آباد: وفاقی حکومت کے وزراء اور معروف سیاسی و سماجی شخصیات نے مینارِ پاکستان پر خاتون ٹک ٹاکر سے دست درازی کے واقعے پر افسوس کا اظہار کیا ہے۔
تفصیلات کے مطابق وزیر اعظم عمران خان، وفاقی وزیرِ انسانی حقوق شیریں مزاری، زلفی بخاری اور بلاول بھٹو زرداری سمیت تمام سیاسی شخصیات نے خاتون پر 400 افراد کے حملے، چھینا جھپٹی اور جنسی ہراسگی کے واقعے کی شدید مذمت کی۔
سماجی رابطے کی ویب سائٹ ٹوئٹر پر اپنے پیغام میں سابق معاونِ خصوصی زلفی بخاری نے کہا کہ وزیر اعظم عمران خان نے لاہورمیں خاتون کے ساتھ بد تمیزی کے واقعے کا نوٹس لے کر آئی جی پنجاب کو ملزمان کو گرفتار کرنے کا حکم دے دیا ہے۔
PM @ImranKhanPTI personally spoke to IGPunjab, police is catching all culprits involved in manhandling of female tiktoker in Lahore & those damaging statue of Ranjit Singh at LahoreFort.
These are gross violations of laws & social norms, govt won’t spare a single person involved.— Sayed Z Bukhari (@sayedzbukhari) August 18, 2021
چیئرمین پیپلز پارٹی اور سابق صدر آصف زرداری کے صاحبزادے بلاول بھٹو زرداری نے اپنے ٹوئٹر پیغام میں کہا کہ مینارِ پاکستان پر ایک جواں سال خاتون پر ہجوم کا حملہ ہر پاکستانی کیلئے شرمناک اور ہمارے معاشرے میں انتشار کی علامت کا پتہ دیتا ہے۔
The assault of a young women by a mob at #minarepakistan should shame every Pakistani. It speaks to a rot in our society. Those responsible must be brought to justice. The women of Pakistan feel insecure and it is all our responsibility to ensure safety and equal rights to all.
— BilawalBhuttoZardari (@BBhuttoZardari) August 18, 2021
پی پی پی کے چیئرمین بلاول بھٹو زرداری نے کہا کہ واقعے کے ذمہ داران کو قرار واقعی سزا ملنی چاہئے۔ پاکستان کی خواتین غیر محفوظ محسوس کرتی ہیں اور حکومت کا فرض بنتا ہے کہ تمام شہریوں کے یکساں حقوق کی ضمانت فراہم کرے۔
وفاقی وزیرِ انسانی حقوق ڈاکٹر شیریں مزاری نے کہا کہ ہماری وزارت پنجاب کے متعلقہ حکام سے رابطے میں ہے تاکہ گریٹر اقبال پارک میں خاتون پر قابلِ مذمت حملے کے ذمہ داران کے خلاف سخت سے سخت کارروائی کی جاسکے۔
وزیرِ انسانی حقوق شیریں مزاری نے کہا کہ واقعے کے ذمہ داران کو گرفتار کیا جارہا ہے، ایف آئی آر درج کر لی گئی۔ ہماری وزارت واقعے پر نظر رکھے ہوئے ہے لیکن ہمیں اپنے عوام میں ایسے پر تشدد رویوں کو بدلنے کیلئے بھرپور کوشش کرنا ہوگی۔
MoHR is in touch with Punjab authorities to ensure strict action ag perpetrators of the condemnable attack on a woman in Greater Iqbal Park Lahore. Arrests made, FIRs done. MoHR following up. But we need to try & change such violent behavioral patterns in our ppl. #lahoreincident
— Shireen Mazari (@ShireenMazari1) August 18, 2021
یہ بھی پڑھیں: ہراسگی کا واقعہ، سوشل میڈیا صارفین کا خاتون ٹک ٹاکر سے ہمدردی کا اظہار
