پولیو کیسز میں اضافہ

پاکستان میں پولیو کی خطرناک بیماری دھیرے دھیرے ایک بار پھر سر اٹھا رہی ہے، کیونکہ ملک میں اس سال کا 19واں کیس رپورٹ ہوا ہے۔ اس مہلک وائرس کے نتیجے میں جنوبی وزیرستان میں ایک چھ ماہ کا بچہ معذور ہوچکا ہے، جبکہ ابھی چند روز قبل ہی شمالی وزیرستان میں تین ماہ کا بچہ اس بیماری سے متاثر ہوا تھا۔

وزیرستان، خاص طور پر شمالی علاقے اس وباء کے مرکز محسوس ہوتے ہیں، جس کی وجوہات پیچیدہ ہیں، جون 2012 سے، مقامی رہنماؤں نے ویکسینیشن پر پابندی عائد کر دی ہے جس نے پولیو کے خاتمے کی کوششوں میں نمایاں رکاوٹ ڈالی ہے، جس کی بنیادی وجہ عسکریت پسندوں کے خلاف پاکستان کا فوجی آپریشن ہے۔اس نے نہ صرف امریکہ مخالف جذبات کو جنم دیا ہے بلکہ اس نے شہریوں اور حکام کے درمیان گہرے عدم اعتماد کے بیج بھی بوئے ہیں۔

بین الاقوامی این جی اوز اور سول سوسائٹی کی تنظیموں کی کاوشیں جو حقیقت میں یہ چاہتی ہیں کہ دنیا کے چند باقی ماندہ مقامات پر اس بیماری کا خاتمہ ہو،جبکہ پولیو کے قطروں کے حوالے سے افواہیں پھیلی ہوئی ہیں اور پولیو ورکرز کو سماجی فرائض کی انجام دہی پر مسلسل حملوں اور قتل و غارت گری کا سامنا کرنا پڑ رہا ہے۔ جبکہ نیو یارک نے گندے پانی کے نمونوں میں پولیو وائرس کی موجودگی کے بعد مؤثر طریقے سے ایمرجنسی نافذ کر دی ہے۔

یہ معاملہ پاکستان میں ان لوگوں کے لیے اتنا اہم نہیں ہو سکتا جو یہ سمجھتے ہیں کہ وہ کسی بڑی چیز کے لیے جدوجہد کر رہے ہیں۔ایسی حالت میں،متاثرہ علاقوں میں ویکسینیشن مہم کو دوبارہ شروع کرنے کے لیے بات چیت کی ذمہ داری حکومت اور صحت کے حکام عائد ہوتی ہے، مزید چونکا دینے والی حقیقت یہ ہے کہ یہ وائرس دور دور تک پھیلتا دکھائی دے رہا ہے کیونکہ کراچی جیسے بڑے شہر میں بھی پولیو وائرس کے مثبتکیسز سامنے آئے ہیں۔

حکومت کو پولیو کے مسئلے کو جڑ سے ختم کرنے کے لئے موثر اقدامات اُٹھانے کی ضرورت ہے، اس بات پر غور کرتے ہوئے کہ اب کیسز کی ایک قابل ذکر تعداد سامنے آئی ہے۔ یہ شاید ایک ایسا موضوع ہے جس کے بارے میں ہچکچاتے ہوئے مقامی لوگ بات کرنے کو تیار ہوجائیں گے۔