کراچی میں 10 پولیس مقابلوں میں1 ڈاکو ہلاک، 10 موبائل فون، 6موٹر سائیکل برآمد

کراچی میں انسداد جرائم کے دوران ڈاکوؤں سے پولیس کے 10 مقابلے ہوئے، فائرنگ کے تبادلے میں 01 ڈاکو ہلاک جبکہ 11 زخمی ڈاکوؤں سمیت 16 ڈاکوؤں کو گرفتارکیا گیا ہے۔ملزمان کے قبضے سے 10 موبائل فون اور 6 موٹر سائیکل برآمد ہوئے۔ 

تفصیلات کے مطابق شہرِ قائد میں گرفتار کیے گئے 16 ملزمان سے 18 غیر قانونی اسلحہ، 10 موبائل فونز اور 06 موٹر سائیکلز برآمد کی گئیں جبکہ برآمدہ اسلحے کو فارنزک کیلئے روانہ کر دیا گیا ہے۔

یہ بھی پڑھیں:

سیلاب کی تباہ کاریاں جاری، ملک بھر میں 1ہزار 33افراد جاں بحق

پولیس نے گزشتہ ہفتے کے دوران کراچی کے ایسٹ، ویسٹ اور ساؤتھ زونز میں چھاپہ مار کارروائی کے دوران مجموعی طور پر 832 سے زائد ملزمان کو گرفتار کیا۔ پولیس کیجانب سے منشیات اور دیگر جرائم کیخلاف مہم جاری ہے۔ 

انسدادِ جرائم مہم کے دوران مختلف علاقوں سے لاکھوں روپے مالیت کی 32 کلو 09 گرام چرس، 01 کلو 408 گرام ہیروئن اور 2 کلو 76 گرام آئس برآمد کی گئی۔ گرفتار اسٹریٹ کرمنلز سے اسلحہ بھی برآمد کیا گیا۔ 

شہریوں سے لوٹ مار اور دیگر وارداتوں میں استعمال شدہ 119 سے زائد مختلف اقسام کا غیر قانونی اسلحہ بمعہ ایمونیشن تحویل میں لے لیا گیا۔اسپیشل انویسٹیگیشن یونٹ کراچی نے مختلف کاروائیوں کے دوران 07 ملزمان کو گرفتارکیا۔

گرفتار ملزمان کے قبضے سے 07 پستول بمعہ لوڈ میگزین اور چوری و چھینی گئی 04 موٹر سائیکلز برآمد کی گئیں۔کراچی پولیس نے مختلف علاقوں میں کارروائیاں کرتے ہوئے مجموعی طور پر چھینی و چوری شدہ 88 موٹرسائیکلیں تحویل میں لے لیں۔

حکام کا کہنا ہے کہ کراچی پولیس کیجانب سے جرائم کے خاتمے، امن وامان کی بحالی اور عوام کے تحفظ کیلئے کئے جانے والے اقدامات جاری رہینگے۔