نا مساعد حالات میں پولیس اور رینجرز نے ذمہ داریاں احسن طریقے سے انجام دیں،آئی جی سندھ

کراچی:آئی جی سندھ مشتاق مہر نے کہا ہے کہ گذشتہ چند دنوں کے دوران سندھ پولیس کی کارکردگی پر اپنی جانب سے توصیف اور فخر کا اظہار کرنا چاہتا ہوں۔

انتہائی نا مساعد حالات میں سندھ پولیس اور سندھ رینجرز کے افسران و جوانوں نے اپنی ذمہ داریاں بطریق احسن و دلیری کے ساتھ سر انجام دی ہیں۔

انہوں نے جرائم پیشہ اورشرپسند عناصر کے سامنے ایک سیسہ پلائی ہوئی دیوار کی مانند سینہ سپر ہو کر اس صوبے کے شہریوں کی جان و مال کی حفاظت کو یقینی بنایا ہے۔

مجھے سندھ پولیس پر فخر ہے اور میں چاہتا ہوں کہ میرے جوان اور افسران جان لیں کہ نہ صرف پولیس قیادت آپ کے پیچھے کھڑی ہے بلکہ صوبے اور قوم کی سیاسی اور عسکری قیادت بھی آپ پر یکساں فخر کرتی ہے اور آپ کے شانہ بہ شانہ ہے۔اللہ آپ سب کا حامی وناصر ہو۔

مزید پڑھیں: وفاقی حکومت کا ٹی ایل پی کے خلاف سپریم کورٹ میں ریفرنس بھیجنے کا اعلان