(ن) لیگ کی سازش بے نقاب، عدلیہ مریم نوازکیخلاف نوٹس لے، فواد چوہدری

اسلام آباد :وزیر اطلاعات و نشریات فواد چوہدری نے کہا ہے کہ پاکستان مسلم لیگ (ن) کی سازش بے نقاب ہو گئی ہے،عدلیہ مریم نواز کے خلاف نوٹس لے۔

وفاقی وزیر فواد چوہدری کاکہنا ہے کہ مسلم لیگ (ن )پاکستان کے عدالتی نظام کو بدنام کرنے کے لیے جعلی آڈیوز اور ویڈیوز بنانے کی عادی ہے۔

انہوں نے مزید کہا کہ پہلے رانا شمیم مسلم لیگ (ن) کے رہنما تھے اور بعد میں وہ گلگت بلتستان کے چیف جج بن گئے۔فواد چوہدری نے عدلیہ پر زور دیا کہ وہ مسلم لیگ ن کی نائب صدر مریم نواز کے خلاف نوٹس لے۔

مزید پڑھیں:وزیراعظم نے مریم نواز کے حکومتی میڈیا سیل چلانے پر جواب مانگ لیا

فواد چوہدری نے کہاکہ تیل کی عالمی قیمتوں میں کمی کا اثر پاکستان پر بھی پڑے گا۔ انہوں نے امید ظاہر کی کہ پاکستان جلد معاشی بحران سے نکل جائے گا۔

اس سے قبل وزیراعظم عمران خان نے گزشتہ روز کہا تھا کہ (ن )لیگ نے میڈیا میں تقسیم پیدا کرنے کی کوشش کی ،بتایا جائے مریم نواز آخر کس حیثیت سے حکومتی میڈیا سیل چلا رہی تھیں؟۔

عمران خان کاکہنا تھاکہ یہ ہمیں فاشسٹ کہتے ہیں جبکہ یہ خود اس سے بڑھ کر ہیں، ان لوگوں نے میڈیا میں تقسیم پیدا کرنے کی کوشش کی۔