مسلم لیگ ن نے پاکستان کو ایٹمی طاقت بنایا، وزیرداخلہ

اسلام آباد: وفاقی وزیرداخلہ رانا ثناء اللہ نے کہا ہے کہ ملک کو ایٹمی طاقت بنانے میں مسلم لیگ ن کا بہت بڑا ہاتھ ہے۔

سماجی رابطے کی ویب سائٹ ٹوئٹر پر یوم تکبیر کے حوالے سے اپنے پیغام میں وزیرداخلہ رانا ثناءاللہ نے کہا کہ آج کےدن ہم نے ثابت کیا کہ پاکستان ایٹمی قوت ہے۔ وقت نے ثابت کیا دلیر سیاسی قیادت ہی ملکی مفاد کیلئے دلیرانہ فیصلے کرتی ہے۔

وقت نے ثابت کیا کہ ایک دلیر سیاسی قیادت ہی ملکی مفاد کیلئے دلیرادانہ فیصلے لیتی ہے۔

ڈالرز کی پیشکش کوٹھکراتے ہوئے ایٹمی دھماکے کرکے ملکی خودداری کا فیصلہ تو میاں نواز شریف نے آج کے دن کردیاتھا۔

وقت نے یہ بھی ثابت کیا کہ پاکستان ایک انتہائی ذمہ دارایٹمی قوت ہے۔

— Rana SanaUllah Khan (@PresPMLNPunjab) May 28, 2022

انہوں نے کہا ہے کہ ڈالرز کی پیشکش کوٹھکراتے ہوئے نواز شریف نے آج کے دن خودداری کا فیصلہ کردیا تھا۔ پاکستان ایک انتہائی ذمہ دار ایٹمی قوت ہے۔

یہ بھی پڑھیں:

حکومتی اتحادی چیئرمین نیب کیلئے جسٹس (ر) مقبول باقر کے نام پر متفق

وزیرداخلہ رانا ثناءاللہ نے کہا کہ مسلم لیگ ن نے پاکستان کوایٹمی طاقت بنایا۔ ہم ہی اسے معاشی طاقت بھی بنائیں گے۔

خیال رہے کہ ملک بھر میں آج یوم تکبیر جوش و جذبے سے منایا جارہاہے۔ 24 سال پہلے پاکستان نے 28 مئی 1998 کو ایٹمی دھماکے کیے تھے۔

وزارت اطلاعات و نشریات نے یوم تکبیر کے حوالہ سے ایک قومی نغمہ بھی جاری کیا ہے جس کا مقصد یوم تکبیر کی اہمیت کو اجاگر کرنا ہے۔ یوم تکبیر کی مناسبت سے حکومت نے رواں سال اس حوالہ سے 10 روزہ تقریبات منانے کا اعلان کیا ہے جس کا موضوع ’’نہ جھکے تھے نہ جھکیں گے‘‘ ہے۔