وزیر اعظم شہباز شریف آئی ایم ایف پروگرام کی شرائط مکمل کرنے کیلئے پر عزم

January 7, 2023

ویب ڈیسک

گوگل نیوز پر ہمیں فالو کریں

اسلام آباد: وزیر اعظم شہباز شریف نے آئی ایم ایف پروگرام کی شرائط مکمل کرنے کیلئے عزم کا اظہار کرتے ہوئے کہا ہے کہ میں نے آئی ایم ایف کی منیجنگ ڈائریکٹر کو پاکستان کی مشکلات سے آگاہ کیا ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم نے کہا کہ میں نے آئی ایم ایف کی منیجنگ ڈائریکٹر سے گزشتہ روز فون پر گفتگو کرتے ہوئے حکومت کے عزمِ مصمم سے آگاہ کیا۔

یہ بھی پڑھیں:

آئی ایم ایف کا وفد 3 دن میں پاکستان کا دورہ کرے گا۔ وزیراعظم

ٹوئٹر پیغام میں وزیر اعظم شہباز شریف نے کہا کہ ہم نے آئی ایم ایف کو آگاہ کیا کہ ہم عالمی مالیاتی فنڈ کے پروگرام کی شرائط کو مکمل کرنے کیلئے پر عزم ہیں اور پاکستان کی معاشی مشکلات بیان کیں۔

پیغام میں وزیر اعظم نے کہا کہ ہم نے آئی ایم ایف کو آگاہ کیا کہ پاکستان میں سیلاب کے بعد معیشت کی صورتحال ناگفتہ بہ ہے۔ آئی ایم ایف کا وفد جلد پاکستان کا دورہ کرے گا۔

In a phone call with Managing Director of the IMF yesterday, I told her about the government's resolve to complete the terms of IMF's program. I also explained Pakistan's economic difficulties especially after the devastating floods. IMF delegation will come to Pakistan soon.

— Shehbaz Sharif (@CMShehbaz) January 7, 2023

خیال رہے کہ اس سے قبل وزیراعظم شہباز شریف نے کہا کہ عمران خان سے بڑا منافق اور محسن کش شخص نہیں دیکھا، جنرل ریٹائرڈ قمر جاوید باجوہ نے جس طرح عمران خان کی مدد کی وہ سب سامنے آ رہا ہے۔

وزیراعظم شہباز شریف کا ہزارہ الیکٹرک سپلائی کمپنی کے منصوبے کی افتتاحی تقریب سے خطاب میں گزشتہ روز کہنا تھا کہ عمران خان سے بڑا منافق اور محسن کش شخص نہیں دیکھا، عمران خان کے کرتوت سب کے سامنے ہیں۔