یکم مئی تک ملک بھر میں لوڈ شیڈنگ پر قابو پا لیں گے۔وزیر اعظم

اسلام آباد: وزیر اعظم میاں شہباز شریف نے پاکستان میں بجلی کے بحران پر تشویش کا اظہار کرتے ہوئے کہا ہے کہ حکومت یکم مئی تک ملک بھر میں لوڈ شیڈنگ پر قابو پا لے گی۔

سماجی رابطے کی ویب سائٹ ٹوئٹر پر اپنے پیغام میں وزیر اعظم شہباز شریف نے کہا کہ مجھے لوڈ شیڈنگ کی وجہ سے عوام کو درپیش مشکلات کا درست طریقے سے اندازہ ہے۔ پی ٹی آئی حکومت نے نہ تو ایندھن حاصل کیا اور نہ ہی پاور پلانٹس کی بر وقت مرمت پر کوئی توجہ دی۔

یہ بھی پڑھیں:

غربت اور بیروزگاری کے خاتمے کیلئے مسلم امہ کو ملکر کام کرنے کی ضرورت ہے، وزیراعظم

ٹوئٹر پیغام میں وزیر اعظم شہباز شریف نے کہا کہ آج ہم نے ملک بھر میں توانائی کے بحران پر قابو پانے کیلئے ہنگامی اقدامات کا فیسلہ کیا ہے جن پر عملدرآمد کے بعد توقع ہے کہ یکم مئی تک لوڈ شیڈنگ کے مسئلے پر قابو پالیا جائے گا اور صورتحال ان شاء اللہ معمول پر آجائے گی۔ 

I am acutely aware of the hardships people are facing due to load-shedding. PTI government neither procured any fuel nor undertook timely repair & maintenance of plants. After emergency steps decided today, the power situation will normalise significantly by May 01, Insha'Allah.

— Shehbaz Sharif (@CMShehbaz) April 26, 2022

خیال رہے کہ اس سے قبل وزیراعظم میاں محمد شہباز شریف نے کہا کہ مسلم امہ کو غربت اور بے روزگاری کے خاتمے کے لیے مل کر کام کرنے کی ضرورت ہے۔مسلم ممالک قدرتی وسائل سے مالامال ہیں، انہیں ایک دوسرے کی مدد کرنی چاہئے۔ اسرائیل معصوم فلسطینی عوام کو نشانہ بنا رہا ہے جس پر امتِ مسلمہ کی جانب سے بھرپور جواب کی ضرورت ہے۔ 

وفاقی دارالحکومت اسلام آباد میں آج مسلم ممالک کے سفیروں کے اعزاز میں دیے گئے افطار ڈنر سے خطاب کرتے ہوئے وزیر اعظم شہباز شریف نے تمام مسائل کو اتحاد سے حل کرنے پر زور دیا اور کہا کہ بھارت غیر قانونی طور پر مقبوضہ جموں و کشمیر میں انسانی حقوق کی سنگین خلاف ورزیاں کر رہا ہے۔ کشمیر کا مسئلہ اقوامِ متحدہ کی قراردادوں کے مطابق حل ہونا چاہئے۔