اسلام آباد: وزیرِ اعظم عمران خان آج جناح کنونشن سینٹر میں ٹائیگر فورس سے خطاب آج کریں گے اور رضا کار فورس کے نوجوانوں کا لہو گرمائیں گے۔
تفصیلات کے مطابق سماجی رابطے کی ویب سائٹ ٹوئٹر پر اپنے پیغام میں تحریکِ انصاف نے تصدیق کی کہ وزیرِ اعظم عمران خان آج ٹائیگر فورس کے ٓپر جوش، محبِ وطن اور جانثار رضا کاروں سے خطاب کریں گے۔
کورونا وائرس کی روک تھام کیلئے جناح کنونشن سینٹر میں ایس او پیز پر عمل درآمد لازمی قرار دیا گیا ہے۔ آج دن 1 بجے شروع ہونے والے کنونشن میں ٹائیگر فورس سمیت کوئی بھی شخص ماسک لگائے بغیر شریک نہیں ہوسکے گا۔
ٹائیگر فورس ممبران اپنے رکنیت کارڈز اور جیکٹس پہن کر کنونشن میں شریک ہوں گے۔ موبائل فونز اور ہینڈ بیگ لانے کی اجازت نہیں ہوگی جبکہ فورس کے رضا کار اپنا قومی شناختی کارڈ بھی شناخت کی تصدیق کیلئے ساتھ لائیں گے۔
Fasten your seat belts!!
Prime Minister Imran Khan will pay special tribute to his enthusiastic, passionate and dauntless Tigers Force at Jinnah Convention today.
Note: Strict SOPs will be followed due to #COVID_19 pandemic. #PMTigersForce pic.twitter.com/rUkskdqifI— PTI (@PTIofficial) October 17, 2020
وفاقی حکومت گوجرانوالہ میں پی ڈی ایم جلسے کے بعد اپوزیشن کو واضح جواب دینے کا فیصلہ کرچکی ہے۔ ٹائیگر فورس سےخطاب میں وزیرِ اعظم عمران خان سے اپوزیشن پر بھی تنقید کے نشتر برسانے کی توقع کی جارہی ہے۔
یہ بھی پڑھیں: پی ڈی ایم کے پہلے سیاسی پاور شو سے حکومت کی نیندیں حرام