گوگل نیوز پر ہمیں فالو کریںاسلام آباد: کورونا وائرس میں مبتلا وزیرِ اعظم عمران خان نے قرنطینہ کے دوران فارسی زبان کے صوفی شاعر مولانا جلال الدین رومی کا ایک قول شیئر کیا ہے جس میں اپنی روح کسی قیمت پر فروخت نہ کرنے کا درس دیا گیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ ایک مکمل طور پر آزاد اور امیر انسان وہ ہے جس کی روح کی کوئی قیمت نہ لگائی جاسکے۔ مولانا رومی کا یہ قول پاکستان کی نوجوان نسل کیلئے ہے۔
وزیرِ اعظم عمران خان نے مولانا رومی کا قول شیئر کیا جس میں کہا گیا ہے کہ اپنی روح کو کسی بھی چیز کے عوض فروخت مت کرنا۔ روح وہ چیز ہے جو تم اس دنیا میں لائے اور یہی وہ چیز ہے جسے خدا کے پاس واپس لے کر جاؤ گے۔
A truly free, liberated & rich human being is one who's soul is priceless – beyond any material price. Dedicated to the youth of Pakistan. pic.twitter.com/CvAwxuQyNO
— Imran Khan (@ImranKhanPTI) March 22, 2021
خیال رہے کہ اِس سے قبل سعودی فرمانروا شاہ سلمان بن عبدالعزیز اور ولی عہد محمد بن سلمان نے وزیرِ اعظم عمران خان کی خیریت دریافت کرنے کیلئے خط لکھ دیا ان کی خیریت دریافت کی گئی ہے۔
تفصیلات کے مطابق سعودی فرمانروا شاہ سلمان بن عبدالعزیز اور شہزادہ محمد بن سلمان نے بذریعہ خط بھجوائے گئے پیغام میں کہا کہ ہم وزیرِ اعظم پاکستان عمران خان کی کورونا وائرس سے برق رفتار صحتیابی کیلئے دُعا کرتے ہیں۔
مزید پڑھیں: سعودی قیادت نے عمران خان کی خیریت دریافت کرنے کیلئے خط لکھ دیا
