گوگل نیوز پر ہمیں فالو کریںاسلام آباد: وزیر اعظم عمران خان نے عمر شریف کی مالی امداد کی ہامی بھر لی، معاونِ خصوصی ڈاکٹر شہباز گل نے معروف اداکار کو بیرونِ ملک بھیجنے کیلئے ہر ممکن تعاون کی یقین دہانی کرائی ہے۔
سماجی رابطے کی ویب سائٹ ٹؤئٹر پر اپنے پیغام میں معروف ٹی وی میزبان وسیم بادامی نے کہا کہ کچھ دیر قبل وزیر اعظم کے دفتر سے فون آیا ہے اور کہا گیا کہ عمر شریف کے بیرونِ ملک سفر کو یقینی بنایا جائے گا۔
پیغام میں وسیم بادامی نے مزید کہا کہ وزیر اعظم آفس سے ٹیلیفونک گفتگو میں کہا گیا کہ عمر شریف کے علاج کیلئے بیرونِ ملک سفر کو یقینی بنانے کیلئے ہر ممکن اقدامات اٹھائے جائیں گے۔ انہوں نے عوام سے دعاؤں کی درخواست بھی کی۔
کچھ دیر قبل وزیر اعظم صاحب کے دفتر سے فون آیا ہے اور کہا گیا کہ عمر شریف صاحب کے جلد بیرون ملک سفر کو یقینی بنانے کے لیے ہر ممکن کام کیا جاے گا۔
جزاک اللہ
آپ سب سے بہت دعاوں کی درخواست#umarsharif— Waseem Badami (@WaseemBadami) September 10, 2021
قبل ازیں معاونِ خصوصی ڈاکٹر شہباز گل نے کہا کہ وزیر اعظم کی ہدایت پر وزیر اعظم آفس عمر شریف سے رابطے میں ہے۔ بادامی صاحب سے صبح ہی بات ہوئی ہے۔ جیسے ہی ہمیں مزید معلومات ملتی ہیں، فوری کام شروع کردیا جائے گا۔
وزیراعظم کی ہدائیت پر وزیراعظم آفس ان سے رابطے میں ہے۔ بادامی صاحب سے صبح ہی بات ہو گئی ہے۔ جیسے ہی ہمیں بادامی صاحب سے درکار مزید معلومات ملتی ہیں اس پر فوری کام شروع کر دیا جائے گا۔ اور آپ کو اپ ڈیٹ رکھیں گے۔ https://t.co/7n5SaO9QBw
— Dr. Shahbaz GiLL (@SHABAZGIL) September 10, 2021
خیال رہے کہ اِس سے قبل پاکستانی شوبز انڈسٹری کے مشہورومعروف مزاحیہ اداکار عمر شریف کی طبیعت ناساز ہوگئی، انہوں نے وزیر اعظم عمران خان سے علاج کی خاطر بیرونِ ملک جانے میں مالی امداد کی اپیل کی۔
مشہورومعروف ٹی وی و اسٹیج ایکٹر اور کامیڈین عمر شریف کچھ عرصے سے علالت کے باعث شوبز انڈسٹری سے غائب رہے۔ حال ہی میں ان کی ایک تصویر سوشل میڈیا پر وائرل ہوئی جس میں عمر شریف بیمار نظر آئے۔
مزید پڑھیں: عمر شریف کی طبیعت انتہائی ناساز، عمران خان سے مالی امداد کی اپیل
