گوگل نیوز پر ہمیں فالو کریںاسلام آباد: وزیرِ اعظم عمران خان نے کورونا وائرس سے متاثر بھارتی شہریوں سے یکجہتی کا اظہار کرتے ہوئے ان کی صحتیابی کی دُعا کی ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ میں بھارت میں رہنے والے شہریوں سے یکجہتی کا اظہار کرنا چاہتا ہوں جو کورونا وائرس کی خطرناک لہر سے جنگ میں مصروف ہیں۔
پیغام میں وزیرِ اعظم عمران خان نے کہا کہ میں اپنے ہمسایہ ملک بھارت اور دنیا بھر میں کورونا کا شکار تمام عوام کی جلد صحتیابی کیلئے دُعا کرتا ہوں۔ عالمِ انسانیت کو عالمی وباء کا سامنا کرنے کیلئے مشترکہ اقدامات کی ضرورت ہے۔
I want to express our solidarity with the people of India as they battle a dangerous wave of COVID-19. Our prayers for a speedy recovery go to all those suffering from the pandemic in our neighbourhood & the world. We must fight this global challenge confronting humanity together
— Imran Khan (@ImranKhanPTI) April 24, 2021
یاد رہے کہ اِس سے قبل وزیر اعظم عمران خان نے کورونا وائرس کے وبائی مرض کو دوسری عالمی جنگ کے بعد دنیا کا سب سے سنگین عالمی بحران قرار دیتے ہوئے 10 نکاتی حل پیش کردیا۔
اقوام متحدہ کی جنرل اسمبلی کے دو روزہ خصوصی اجلاس سے گزشتہ برس دسمبر کے دوران خطاب کرتے ہوئے وزیر اعظم عمران نے عالمی رہنماؤں کو کورونا کی وجہ سے ہونے والی معاشی تباہی سے بچنے کیلئے 10 نکاتی ایجنڈا پیش کیا اور قرضوں کی معطلی اور امیر ممالک میں رکھے ہوئے چوری شدہ اثاثوں کی واپسی پر زور دیا۔
مزید پڑھیں: وزیر اعظم نے کورونا کے سنگین عالمی بحران کا 10 نکاتی حل پیش کردیا
