گوگل نیوز پر ہمیں فالو کریںاسلام آباد: وزیرِ اعظم پاکستان عمران خان نے خیبر پختونخوا پولیس کے سابق آئی جی ناصر درانی کی وفات پر افسوس کا اظہار کرتے ہوئے انہیں غیر معمولی پولیس افسر قرار دیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ سابق انسپکٹر جنرل پولیس ناصر درانی کی رحلت کا جان کر افسردہ ہوں۔
پیغام میں وزیرِ اعظم عمران خان نے کہا کہ میری دعائیں اور ہمدردیاں ان کے اہلِ خانہ کے ساتھ ہیں۔ بطور آئی جی وہ خیبر پختونخوا کی اصلاح کے عمل میں نہایت مؤثر رہے۔
وزیرِ اعظم نے سابق آئی جی خیبر پختونخوا ناصر درانی کے انتقال پر گہرے رنج و غم کا اظہار کرتے ہوئے کہا کہ پاکستان ایک غیر معمولی پولیس افسر سے محروم ہوگیا ہے۔
سابق انسپکٹر جنرل پولیس ناصر درانی کی رحلت کا جان کر افسردہ ہوں۔ میری دعائیں اور ہمدردیاں ان کے اہلِ خانہ کے ساتھ ہیں۔ بطور آئی جی وہ خیبرپختونخوا میں پولیس کی اصلاح کے عمل میں نہایت مؤثر رہے۔ پاکستان ایک غیر معمولی پولیس افسر سے محروم ہوا ہے۔
— Imran Khan (@ImranKhanPTI) April 19, 2021
یاد رہے کہ اِس سے قبل سابق آئی جی کے پی کے ناصر درانی کورونا وائرس کے باعث انتقال کر گئے جو میو ہسپتال میں کچھ دنوں سے زیرِ علاج تھے۔
ایم ایس میو اسپتال ڈاکٹر افتخار نے کہا کہ ناصر درانی کو پھیپھڑوں میں انفیکشن اور سانس لینے میں دشواری کا سامنا تھا، جس کے باعث انہیں گزشتہ ایک ہفتے قبل وینٹی لیٹر پر منتقل کردیا گیا تھا۔
مزید پڑھیں: سابق آئی جی کے پی کے ناصر درانی کورونا کے باعث انتقال کر گئے
