گوگل نیوز پر ہمیں فالو کریںاسلام آباد: وزیر اعظم عمران خان نے سعودی عرب کے قومی دن کے موقعے پر ولی عہد محمد بن سلمان اور خادمِ حرمین شریفین شاہ سلمان بن عبدالعزیز کو مبارکباد دی ہے۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ میں مملکتِ سعودی عرب کے تاریخی یومِ تاسیس کے موقعے پر خادمِ حرمین شریفین کو مبارکباد دیتا ہوں۔
روس یوکرین تنازعہ، دُنیا ایک اور سرد جنگ کی متحمل نہیں ہوسکتی۔وزیر اعظم
ٹوئٹر پیغام میں وزیر اعظم عمران خان نے کہا کہ میں شاہ سلمان بن عبدالعزیز، ولی عہد شہزادہ محمد بن سلمان اور مملکت کے عوام کو دلی مبارکباد پیش کرتا ہوں۔
مملکتِ سعودی عرب کےتاریخی یومِ تاسیس کےموقع پرمیں خادم حرمین شریفین عزت مآب جناب شاہ سلمان بن عبد العزیز،عالی مرتبت ولی عہدشہزادہ محمدبن سلمان اورمملکت کےبرادرعوام کودلی مبارکبادپیش کرتاہوں۔دعاہےکہ ہمارےیہ دیس ترقی کی راہ پر گامزن رہیں اور یہاں کے باشندوں کوخوشحالی ہمیشہ میسررہے۔
— Imran Khan (@ImranKhanPTI) February 22, 2022
پیغام میں وزیر اعظم عمران خان نے دعا کی کہ پاکستان اور سعودی عرب ترقی کی راہ پر گامزن رہیں اور یہاں کے باشندوں کو خوشحالی ہمیشہ میسر رہے۔
خیال رہے کہ اس سے قبل وزیر اعظم نے روس یوکرین تنازعے کے دوران روس کے دورے سے متعلق وضاحت کرتے ہوئے کہا کہ پاکستان ڈپلومیسی کے ساتھ ہے کسی تنازعے کے ساتھ نہیں، دُنیا ایک اور سرد جنگ کی متحمل نہیں ہوسکتی۔
گزشتہ روز وزیر اعظم عمران خان نے ایک انٹرویو کے دوران کہا کہ پاکستان ڈپلومیسی کے ساتھ کھڑا ہے، روس کے دورے کا پروگرام یوکرین بحران سے پہلے بنا، ہم تنازعے کے ساتھ نہیں، روسی صدر نے دورے کی دعوت بہت پہلے دی۔
