گوگل نیوز پر ہمیں فالو کریںاسلام آباد: وزیرِ اعظم عمران خان نے بحرین میں اپنے ہم منصب اور شہزادہ خلیفہ بن سلمان الخلیفہ کے انتقال پر تعزیت کا اظہار کیا ہے۔
تفصیلات کے مطابق اپنے تعزیبی بیان میں عمران خان نے کہا کہ بحرین کے وزیرِ اعظم عظیم بصیرت و وقار کے حامل اور پاکستانی عوام کے قریبی دوست تھے۔
تعزیتی پیغام میں عمران خان نے دُعا کی کہ اللہ تعالیٰ بحرین کے وزیرِ اعظم خلیفہ بن سلمان الخلیفہ کی روح کو جنت الفردوس میں اعلیٰ مقام عطا فرمائے۔
وزیرِ اعظم عمران خان نے کہا کہ ہم بحرین کے شاہی خاندان اور عوام کے اِس غم میں برابر کے شریک اور بحرینی وزیرِ اعظم کی وفات پر غمزدہ ہیں۔
Deepest condolences to the Khalifa family & brotherly people of Bahrain on the passing of HRH Prince Khalifa Bin Salman Al Khalifa. He was a man of great vision, profound integrity and above all a close friend to the people of Pakistan. May his soul rest in eternal peace. Ameen.
— Imran Khan (@ImranKhanPTI) November 11, 2020
قبل ازیں گزشتہ روز بحرین کے وزیرِ اعظم شہزادہ خلیفہ بن سلمان الخلیفہ کا انتقال 84 برس کی عمر میں ہوا جبکہ انہوں نے وزارتِ عظمیٰ کا منصب 49 برس کی طویل ترین مدت کیلئے سنبھالا۔
عرب میڈیا نے شہزادہ خلیفہ بن سلمان الخلیفہ کے انتقال کی خبر دیتے ہوئے بتایا کہ کسی بھی ملک کے وزیرِ اعظم رہنے کیلئے 49 برس ایک طویل ترین عرصہ ہے۔ شہزادہ خلیفہ بن سلمان الخلیفہ کو مدتوں یاد رکھا جائے گا۔
یہ بھی پڑھیں: پی ڈی ایم اتحاد منطقی انجام کی طرف بڑھ رہا ہے۔وزیرِ اعلیٰ پنجاب
