وزیر اعظم 14نکاتی ایجنڈے پر غور کیلئے وفاقی کابینہ اجلاس کی صدارت آج کرینگے

اسلام آباد: وزیر اعظم عمران خان آج وفاقی کابینہ اجلاس کی صدارت کریں گے جس میں قومی و معاشی نوعیت کے حامل 14 نکاتی ایجنڈے پر غور کیا جائے گا۔

تفصیلات کے مطابق وفاقی حکومت کو کورونا کی نئی قسم اومی کرون اور وائرس کے بڑھتے ہوئے کیسز پر تشویش ہے، وزیر اعظم کی زیر صدارت وفاقی کابینہ اجلاس میں کورونا کی صورتحال اور اسمارٹ لاک ڈاؤن سمیت دیگر امور زیرِ غور آئیں گے۔

یہ بھی پڑھیں:

نامزد چیف جسٹس عمر عطا بندیال کی تعیناتی کا نوٹیفکیشن جاری

وزیر اعظم عمران خان کی زیر صدارت وفاقی کابینہ اجلاس میں پاکستان میں معینہ مدت سے زائد عرصہ تک مقیم غیر ملکی باشندوں کو ایمنسٹی اسکیم دینے پر فیصلہ ہوگا۔وفاقی وزیرِ داخلہ شیخ رشید احمد کی جانب سے اسکیم کی سمری پیش کی جائے گی۔

آج ہونے والے وفاقی کابینہ اجلاس میں بین المذاہب ہم آہنگی پالیسی کا مسودہ منظوری کیلئے پیش کیا جائے گا۔ رولز آف بزنس میں ترامیم کی تجاویز بھی پیش کی جائیں گی جبکہ کے ایس ایس ایل کے سی ای او کی تقرری کی توثیق بھی کابینہ اجلاس کے ایجنڈے میں شامل ہے۔

وفاقی کابینہ کے 14 نکاتی ایجنڈے میں فرسٹ وومن بینک کے آڈٹ سے متعلق معاملہ اور ضروری خدمات ایکٹ کے تحت مجاز افسر کی تقرری کا نوٹیفکیشن بھی شامل ہے۔ اجلاس کے دوران پاکستان کی یو این ٹی او سی میں شمولیت پر سمری بھی پیش کی جائے گی۔