گوگل نیوز پر ہمیں فالو کریںاسلام آباد: وزیرِ اعظم عمران خان نے روشن ڈیجیٹل اکاؤنٹ سے 1 ارب ڈالر سے زائد فنڈز موصول ہونے پر سمندر پار پاکستانیوں کا شکریہ ادا کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ اعظم عمران خان نے کہا کہ آج اسٹیٹ بینک آف پاکستان سے اچھی خبر موصول ہوئی ہے، روشن ڈیجیٹل اکاؤنٹ نئے سنگِ میل عبور کر رہا ہے۔
پیغام میں وزیرِ اعظم عمران خان نے کہا کہ روشن ڈیجیٹل اکاؤنٹس میں رواں ہفتے جمعے کے روز تک جمع کرائی گئی رقم 1 ارب 50 کروڑ ڈالر سے تجاوز کر گئی ہے جو ایک نیا ریکارڈ ہے۔
وزیرِ اعظم عمران خان نے کہا کہ نیا پاکستان سرٹیفکیٹس میں سرمایہ کاری بھی 1 ارب ڈالر سے زائد ہے۔ اکاؤنٹس اور جمع کرائی گئی رقم آج سے 2 ماہ قبل 1 ارب ڈالر سے تجاوز کر گئی تھی جس کے بعد نئے ریکارڈز قائم ہوئے۔
Good news from SBP. #RoshanDigitalAccount achieves more milestones. Inflows crossed $1.5 bn on Friday, with investment in Naya Pakistan Certificates surpassing $1 bn. Accounts & deposits have set new records since the $1 bn event 2 months ago. https://t.co/sEe2wiOYrG pic.twitter.com/hAIx2Rko4Z
— Imran Khan (@ImranKhanPTI) June 27, 2021
قبل ازیں وزیراعظم عمران خان نے کہا کہ دنیا میں سافٹ امیج کو پرموٹ کرنا ہے تو پہلے پاکستانیت کو پرموٹ کریں۔ افغانستان میں امریکا کی جنگ لڑنے کے باوجود امریکی ہمیں برا بھلا بھی کہتے ہیں۔
شہرِ اقتدار میں گزشتہ روز میڈیا سے گفتگو کرتے ہوئے وزیراعظم کا کہنا تھا کہ دنیا اس کی عزت کرتی ہے جو پہلے اپنی عزت کرے۔ اچھی انگریزی بولنے سے یا انگریزی کپڑے پہننے سے سافٹ امیج نہیں ابھرتا بلکہ یہ احساس کمتری کی نشانی ہے۔
مزید پڑھیں: سافٹ امیج کیلئے پہلے پاکستانیت کو فروغ دیں، وزیراعظم عمران خان
یاد رہے کہ اِس سے قبل اسٹیٹ بینک آف پاکستان کے روشن ڈیجیٹل اکاؤنٹس (آر ڈی اے) میں جمع کرائی گئی رقم 7 ماہ میں 80 کروڑ ڈالر سے تجاوز کر گئی۔
سمندر پار پاکستانیوں نے مارچ کے دوران روشن ڈیجیٹل اکاؤنٹس میں 21 کروڑ 20 لاکھ ڈالر جمع کرائے۔ اسٹیٹ بینک کا کہنا تھا کہ گزشتہ 7 ماہ میں جمع کرائی گئی رقم 80 کروڑ ڈالر کی حد عبور کر گئی۔
مزید پڑھیں: روشن ڈیجیٹل اکاؤنٹس میں رقم 80 کروڑ ڈالر سے تجاوز کر گئی
