خیبر پختونخوا میں مسترد ووٹوں کا مسئلہ ڈبل اسٹیمپ کے باعث ظاہر ہوا۔وزیراعظم

اسلام آباد: وزیر اعظم عمران خان نے کہا ہے کہ خیبر پختونخوا میں مسترد ووٹوں کا مسئلہ ڈبل اسٹیمپ لگانے کے باعث ظاہر ہوا ہے۔ عام طریقہ کار کے ذریعے مختلف ووٹ مسترد کرکے انتخابات میں ہیرا پھیری کی جاسکتی ہے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ ایک بار پھر خیبر پختونخوا میں بلدیاتی انتخابات سے مسترد ووٹوں کا مسئلہ سامنے آیا کیونکہ ڈبل اسٹیمپنگ کی گئی۔ 2013 کے انتخابات پر جوڈیشل کمیشن رپورٹ میں بھی یہی بات سامنے آئی تھی۔ 

یہ بھی پڑھیں:

وزیر اعظم نے پیٹرولیم مصنوعات کی قیمتوں میں اضافے کی تجویز مسترد کردی

LG elections in KP have again shown problem of rejected votes bec of double stamping etc. The same had come out in Judicial Commission report on 2013 elections. The ability to manipulate elections through getting opp votes rejected is one of the reasons the status quo opposes EVM pic.twitter.com/ch78zPEGQw

— Imran Khan (@ImranKhanPTI) February 16, 2022

ٹوئٹر پیغام میں وزیر اعظم عمران خان نے اپوزیشن جماعتوں کی طرف اشارہ کرتے ہوئے کہا کہ مخالفین کے ووٹ مسترد کروا کر الیکشنز میں اپنی مرضی کے نتائج حاصل کرنا ہی اسٹیٹس کو کا مسئلہ ہے جو الیکٹرانک ووٹنگ مشین (ای وی ایم) کی مخالفت کرتے ہیں۔ 

خیال رہے کہ اس سے قبل وزیر اعظم عمران خان نے کہا کہ بھارت میں آر ایس ایس نظرئیے کے تحت اقلیتوں پر ظلم اور انتہا پسندی پر کام ہورہا ہے جبکہ افغانستان میں طالبان حکومت کو تسلیم کرنے کے سوا عالمی برادری کے پاس کوئی راستہ نہیں۔

 وزیر اعظم عمران خان نے حال ہی میں فرانسیسی میڈیا کو انٹرویو دیتے ہوئے کہا کہ افغانستان نے 40 سال چیلنجز کا سامنا کیا، طالبان حکومت تسلیم کرنے کے سوا کوئی اور آپشن نہیں۔ بھارت میں آر ایس ایس کے تحت اقلیتوں کے ساتھ ظلم روا رکھا جارہا ہے۔