آپکاوزیراعظم آپکے ساتھ ! عمران خان کل عوام کے سوالوں کے جواب دینگے

لاہور: وزیراعظم عمران خان کل عوام الناس سے براہ راست گفتگو میں سوالات کے جواب دیں گے، وزیراعظم سے آپ کی بات چیت ٹیلی ویژن، ریڈیو اور ڈیجیٹل میڈیا پر براہ راست نشر کی جائے گی۔

سینیٹر فیصل جاوید نے سماجی رابطے کی ویب سائٹ ٹوئٹر پر اپنے پیغام میں بتایا کہ آپ کاوزیراعظم آپ کے ساتھ ، وزیراعظم عمران خان ایک بار پھر فون پر آپ کے ساتھ براہ راست بات کریں گے ، انشااللہ کل بروز منگل دن ڈیڑھ بجے وزیراعظم فون پر سوالات کے جواب دیں گے۔

#آپکا_وزیراعظم_آپکے_ساتھ
وزیراعظم پاکستان عمران خان ایک بار پھر فون پر آپکے ساتھ براہِ راست بات کریں گے- انشاء اللہ
11 مئ بروز منگل -دوپہر 1:30 بجے-
آپکے سوالات اور وزیراعظم کے جواب
وزیراعظم سے آپ کی بات چیت -ٹیلی ویژن، ریڈیو اور ڈیجیٹل میڈیا پر براہ راست نشر کی جائے گی pic.twitter.com/phJkkO3nNK

— Senator Faisal Javed Khan (@FaisalJavedKhan) May 10, 2021

سینیٹرفیصل جاوید خان نے کہا کہ وزیراعظم سے آپ کی بات چیت براہ راست نشرکی جائیگی۔یاد رہے کہ اس سے قبل بھی وزیراعظم فون پر عوام کے سوالات کے جوابات دے چکے ہیں۔

واضح رہے کہ وزیرِ اعظم عمران خان سعودی عرب کا 3 روزہ دورہ کامیابی سے مکمل کرنے کے بعد وطن واپس پہنچ گئے ہیں۔

مزید پڑھیں: عمران خان کا دورہ کامیاب، سعودیہ نے 11 سو پاکستانی قیدیوں کو چھوڑنے کا اعلان کردیا

سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ وزیرِ اعظم سعودی عرب کا سرکاری دورہ مکمل کرکے وطن واپس پہنچ چکے ہیں جس کے دوران اللہ تعالیٰ نے بہت مہربانی فرمائی۔

پیغام میں سینیٹر فیصل جاوید خان نے کہا کہ وزیرِ اعظم کے کامیاب دورے کے دوران پاکستان اور سعودی عرب نے دو طرفہ سماجی و اقتصادی، تجارتی و ثقافتی اور سفارتی تعلقات کو مزید مضبوط بنانے کے عزم کا اعادہ کیا ہے۔