گوگل نیوز پر ہمیں فالو کریںوفاقی وزیر برائے مواصلات مراد سعید نے کہا ہے کہ وزیر اعظم عمران خان کے پناہ گاہ پروگرام سے ملک بھر میں لاکھوں شہری مستفید ہوئے جبکہ پہلے سال صرف پنجاب کی پناہ گاہوں میں 3 لاکھ سے زائد افراد ریاست کے مہمان بنے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں وزیر مواصلات مراد سعید نے کہا کہ عرصۂ دراز سے محنت مزدوری کے لیے شہروں کا رُخ کرنے والے شہریوں کا پہلے کوئی پرسانِ حال نہ تھا۔
یہ بھی پڑھیں: ’’احساس‘‘میں خواتین کو بااختیار بنانے پر توجہ مرکوز کی گئی۔ثانیہ نشتر
وزیرِ مواصلات مراد سعید نے کہا کہ شہریوں کا رُخ کرنے والے بے گھر افراد سردی میں سڑک پر خالی پیٹ سونے پر مجبور رہے جبکہ وزیر اعظم نے اس کے تدارک کے لیے پناہ گاہ پروگرام شروع کیا۔
مراد سعید نے کہا کہ وزیر اعظم عمران خان نے اس مقصد کے لیے ملک کے ہر بڑے شہر میں مہمان خانہ تعمیر کرکے غریب مزدور اور بے گھر افراد کو ریاست کا مہمان بنا دیا۔
پہلے سال صرف پنجاب کے پناہ گاہوں میں 3 لاکھ 84 ہزار 141 شہری ریاست کے مہمان بنے۔
عرصہ دراز سےمحنت مزدوری کیلے شہروں کا رخ کرنےوالے بے گھر افراد سردی میں سڑک پر خالی پیٹ سوتے رہے۔
عمران خان نے اس مقصد کیلے ملک کے ہر بڑے شہر میں مہمان خانہ تعمیر کرکے ان کو ریاست کا مہمان بنا دیا۔ pic.twitter.com/kRttOuC6Kl— Murad Saeed (@MuradSaeedPTI) November 23, 2019
یاد رہے کہ اس سے قبل پاکستان پیپلز پارٹی کے چیئر مین بلاول کے ٹویٹ کے جواب میں وفاقی وزیر مواصلات مراد سعید نے کہا کہ بندہ حادثاتی طور پر چیئرمین بنتا ہے تو پرچی کی ضرورت پڑتی ہے۔
ان کا کہنا تھا جب زیادہ پرچیاں ہاتھ میں ہوتی ہیں تو بندہ بار بار لانچ ہونے کے بعد بھی لانچ نہیں ہوپاتا، بندہ زرداری ہو تو بھٹو کا نام لگانے سے بھی کام نہیں بنتااور اگر بندہ صرف زرداری لکھے تو لوگ سیدھا کرپٹ ہی سمجھنے لگتے ہیں۔
مزید پڑھیں: حادثاتی طور پر چیئرمین بننے پرپرچی کی ضرورت پڑتی ہے، مراد سعید
