افغانستان کو تنہا چھوڑنے کے تباہ کن نتائج نکلیں گے، وزیراعظم عمران خان

اسلام آباد:وزیراعظم عمران خان نے عالمی برادری کو خبردار کرتے ہوئے کہا ہے کہ افغانستان کو تنہا چھوڑنے کے تباہ کن نتائج نکلیں گے، چین نے اپنی معیشت کو ترقی دے کر لوگوں کو غربت سے نکالا،چین میں ہر شعبے نے ترقی کی، ہم وہی ماڈل اپنانا چاہتے ہیں۔

چینی میڈیا کو خصوصی انٹرویو دیتے ہوئے وزیر اعظم عمران خان نے کہا کہ عالمی برادری افغانستان کو انسانی بحران سے بچانے میں تعاون کرے، عالمی برادری افغانستان کی مدد کرے۔اگر افغانستان کو انسانی المیے سے نہ نکالا گیا تو نتائج تباہ کن ثابت ہوسکتے ہیں۔

یہ بھی  پڑھیں:

راوی پراجیکٹ، وزیر اعظم عمران خان کا سپریم کورٹ سے رجوع کرنیکا فیصلہ

ان کا کہنا تھا کہ چین نے اپنی معیشت کو ترقی دے کر لوگوں کو غربت سے نکالا، چین میں ہر شعبے نے ترقی کی، ہم وہی ماڈل اپنانا چاہتے ہیں،پاکستان میں شہر بڑھ رہے ہیں اور لوگ شہروں کی طرف آرہے ہیں۔

وزیراعظم نے کہا کہ موسمیاتی تبدیلوں سے نمٹنے کیلئے کام کر رہے ہیں، عالمی برادری افغانستان کو انسانی بحران سے بچانے میں تعاون کرے۔واضح رہے کہ افغان عوام کو معاشی مشکلات کا سامنا اور سردی کے دوران ہزاروں اموات کا خدشہ ہے۔ 

 وزیراعظم عمران خان آئندہ ماہ فروری کے آغاز میں چین کا دورہ کرینگے۔عمران خان بیجنگ میں سرمائی اولمپکس کے افتتاحی اجلاس میں شرکت کے علاوہ دو طرفہ تعلقات کے تمام پہلوؤں کا مجموعی جائزہ لینے کے لیے چینی رہنماؤں سے ملاقات کریں گے۔